YSRCP: కేంద్ర మంత్రి, ఎయిర్‌పోర్ట్ అథారిటీ చైర్మ‌న్ల‌తో వైసీపీ ఎంపీ గురుమూర్తి భేటీ
- వెంక‌ట‌గిరి కేంద్రీయ విద్యాలయంలో ఇంట‌ర్ కోర్సును ప్రారంభించాలని విన‌తి
- కేంద్ర మంత్రికి విన‌తి ప‌త్రం అంద‌జేసిన గురుమూర్తి
- రేణిగుంట ఎయిర్‌పోర్టు స‌మ‌స్య‌ల‌పై సంజీవ్ కుమార్‌కు నివేదన
వైసీపీ యువ నేత, తిరుప‌తి ఎంపీ గురుమూర్తి గురువారం ఢిల్లీలో కేంద్ర విద్యా శాఖ స‌హాయ మంత్రి అన్న‌పూర్ణ దేవి, ఎయిర్‌పోర్ట్ అథారిటీ ఆఫ్ ఇండియా చైర్మ‌న్ సంజీవ్ కుమార్‌ల‌తో భేటీ అయ్యారు. ఈ సంద‌ర్భంగా ఆయ‌న త‌న నియోజ‌కవ‌ర్గ ప‌రిధిలోని ప‌లు స‌మ‌స్య‌ల‌ను వారి ముందు ఉంచారు.
తిరుప‌తి పార్ల‌మెంటు నియోజ‌కవ‌ర్గ ప‌రిధిలోని వెంక‌ట‌గిరి కేంద్రీయ విద్యాలయంలో ఇంట‌ర్మీడియట్ కోర్సుల‌ను ప్రారంభించాలని విద్యా శాఖ స‌హాయ మంత్రిని కోరారు. ఈ మేర‌కు ఆయ‌న ఓ విన‌తి ప‌త్రాన్ని కేంద్ర మంత్రికి అందించారు. అదే స‌మ‌యంలో తిరుప‌తి ప‌రిధిలోని రేణిగుంట ఎయిర్‌పోర్టు స‌మ‌స్య‌ల‌ను ప్రస్తావిస్తూ ఎయిర్‌పోర్ట్ అథారిటీ చైర్మ‌న్ సంజీవ్ కుమార్‌కు విన‌తి ప‌త్రం అంద‌జేశారు.