BJP: హైద‌రాబాద్ చేరుకున్న అమిత్ షా!.. టూర్ షెడ్యూల్ ఇలా!
- బేగంపేటకు చేరుకున్న అమిత్ షా
- ఘ‌న స్వాగ‌తం ప‌లికిన బీజేపీ తెలంగాణ నేత‌లు
- మ‌రికాసేప‌ట్లో సీఎఫ్ఎస్ఎల్ క్యాంపస్‌కు ప‌య‌నం
- నేష‌న‌ల్ సైబ‌ర్ ఫోరెన్సిక్ ల్యాబోరేట‌రీని ప్రారంభించ‌నున్న కేంద్ర మంత్రి
బీజేపీ అగ్ర‌నేత, కేంద్ర హోం మంత్రి అమిత్ షా కాసేప‌టి క్రితం హైద‌రాబాద్ చేరుకున్నారు. నేటి మ‌ధ్యాహ్నం ఢిల్లీలో బ‌య‌లుదేరిన ఆయన కాసేప‌టి క్రితం న‌గ‌రంలోని బేగంపేట విమానాశ్ర‌యంలో ల్యాండ‌య్యారు. ఈ సంద‌ర్భంగా అమిత్ షాకు బీజేపీ తెలంగాణ శాఖ‌కు చెందిన నేత‌లు సాద‌రంగా స్వాగ‌తం ప‌లికారు.
మ‌రికాసేప‌ట్లో ఆయన సీఎఫ్ఎస్ఎల్ క్యాంపస్‌కు చేరుకుంటారు. అక్క‌డ కొత్త‌గా ఏర్పాటు చేసిన నేష‌న‌ల్ సైబ‌ర్ ఫోరెన్సిక్ ల్యాబోరేట‌రీని ఆయన ప్రారంభించ‌నున్నారు. ఆ తర్వాత తెలంగాణ బీజేపీ కోర్ క‌మిటీ నేత‌ల‌తో అమిత్ షా భేటీ కానున్నారు. ఈ భేటీ తర్వాత తుక్కుగూడ‌లో జ‌ర‌గ‌నున్న బండి సంజ‌య్ పాద‌యాత్ర ముగింపు కార్య‌క్ర‌మానికి హాజ‌ర‌వుతారు. ఆ కార్య‌క్ర‌మం తర్వాత అమిత్ షా ఢిల్లీకి తిరుగు ప‌య‌న‌మ‌వుతారు.