YSRCP: ఎమ్మెల్సీ అనంత‌బాబు బెయిల్‌పై విచార‌ణ వాయిదా
- సుబ్ర‌హ్మ‌ణ్యం హ‌త్య కేసులో అరెస్టయిన అనంత‌బాబు
- బెయిల్ పిటిష‌న్‌పై జరిగిన విచార‌ణ
- త‌దుప‌రి విచార‌ణ ఈ నెల 9కి వాయిదా
త‌న వ‌ద్ద డ్రైవ‌ర్‌గా ప‌నిచేసిన సుబ్ర‌హ్మ‌ణ్యంను హ‌త్య చేసిన కేసులో అరెస్టయిన ఎమ్మెల్సీ అనంత‌బాబు త‌న‌కు బెయిల్ ఇవ్వాలంటూ రాజ‌మ‌హేంద్ర‌వ‌రం కోర్టులో ఇప్ప‌టికే బెయిల్ పిటిష‌న్ దాఖ‌లు చేసుకున్న సంగ‌తి తెలిసిందే. ఈ కేసులో అనంత‌బాబు రిమాండ్ ముగుస్తున్న నేప‌థ్యంలో సోమ‌వారం పోలీసులు ఆయ‌న‌ను రాజ‌మ‌హేంద్ర‌వ‌రం కోర్టులో హాజ‌రుప‌ర‌చ‌గా... ఈ నెల 20 వ‌ర‌కు ఆయ‌న రిమాండ్‌ను పొడిగిస్తూ కోర్టు ప్ర‌క‌టించిన సంగ‌తి తెలిసిందే.
తాజాగా అనంత‌బాబు దాఖ‌లు చేసుకున్న బెయిల్ పిటిష‌న్ మంగ‌ళ‌వారం రాజ‌మ‌హేంద్ర‌వ‌రం కోర్టులోనే విచార‌ణ‌కు వ‌చ్చింది. ఈ పిటిష‌న్‌పై విచార‌ణ చేప‌ట్టిన న్యాయ‌మూర్తి త‌దుప‌రి విచార‌ణ‌ను ఈ నెల 9 (గురువారం)కి వాయిదా వేశారు. గురువారం నాటి విచార‌ణ సంద‌ర్భంగా న్యాయ‌మూర్తి బెయిల్ పిటిష‌న్‌పై అనంత‌బాబు వాద‌న‌ల‌తో పాటు పోలీసుల త‌రఫు వాద‌న‌ల‌ను వినే అవ‌కాశం ఉంద‌ని తెలుస్తోంది.
