Iran: భారత్ చర్యల పట్ల ముస్లింలు సంతృప్తి చెందారు: ఇరాన్ విదేశాంగ మంత్రి
- భారత్ ప్రజలు, ప్రభుత్వానికి అమీర్ అబ్దుల్లాహేన్ ప్రశంసలు
- ప్రధాని మోదీ, మంత్రి జైశంకర్, దోవల్ తో చర్చలు
- పరస్పరం మతాలను గౌరవించుకోవాలని అంగీకారం
- ద్వైపాక్షిక సంబంధాలను కొత్త శిఖరాలకు తీసుకెళతామని ప్రకటన
మహమ్మద్ ప్రవక్త పట్ల బీజేపీ బహిష్కృత నేతలు చేసిన వివాదాస్పద వ్యాఖ్యలపై ఇస్లామిక్ దేశాలన్నీ గుర్రుగా ఉన్న తరుణంలో.. భారత్ తో ద్వైపాక్షిక సంబంధాల బలోపేతానికి ఇరాన్ విదేశాంగ మంత్రి న్యూఢిల్లీకి రావడం విశేషం. ప్రధాని మోదీతో ఇరాన్ విదేశాంగ మంత్రి హుస్సేన్ అమీర్ అబ్దుల్లాహేన్ భేటీ అయ్యారు. అలాగే, విదేశాంగ మంత్రి జైశంకర్, జాతీయ భద్రతా సలహాదారు అజిత్ దోవల్ తదితరులతోనూ ఆయన చర్చలు నిర్వహించారు.
నిందితుల పట్ల భారత్ అధికారులు వ్యవహరిస్తున్న వైఖరిపై ముస్లింలు సంతోషంగా ఉన్నట్టు ఆయన చెప్పారు. దైవ విశ్వాసాల పట్ల భారత్, భారత ప్రజలు చూపించే గౌరవాన్ని కొనియాడారు. మొత్తానికి భారత్ తో ద్వైపాక్షిక సంబంధాల బలోపేతానికి ఇరాన్ ఆసక్తి చూపించింది.
