Pawan Kalyan: పవన్ కల్యాణ్ బస్సు యాత్ర కోసం బ్లాక్ స్కార్పియోలతో కొత్త కాన్వాయ్
- ముందస్తు ఎన్నికలు వస్తాయంటున్న జనసేన
- ఇప్పటినుంచే సన్నద్ధమవుతున్న పార్టీ
- అక్టోబరు 5 నుంచి పవన్ బస్సు యాత్ర
ముందస్తు ఎన్నికలు వస్తాయన్న అంచనాతో జనసేనాని పవన్ కల్యాణ్ అక్టోబరులో బస్సు యాత్ర చేపడుతుండడం తెలిసిందే. అక్టోబరు 5న తిరుపతిలో పవన్ కల్యాణ్ యాత్ర ప్రారంభం కానుంది. ఈ నేపథ్యంలో, పవన్ కోసం భారీ కాన్వాయ్ ని సిద్ధం చేస్తున్నారు.
బ్లాక్ కలర్ మహీంద్రా స్కార్పియో వాహనాలు జనసేన కార్యాలయంలోకి బారులు తీరి వెళుతున్నట్టు ఓ వీడియోలో కనిపించింది. 2023లో ఎన్నికలు జరుగుతాయని జనసేన పార్టీ బలంగా నమ్ముతోంది. అందుకే పవన్ కల్యాణ్ దసరా నుంచి ఐదు నెలల పాటు రాష్ట్రంలో పర్యటించాలని నిర్ణయించుకున్నారు.
