Dalai Lama: భార‌త సైనికుడికి సెల్యూట్ చేసిన ద‌లైలామా!... వీడియో ఇదిగో!

బౌద్ధ గురువు ద‌లైలామా గొప్ప‌త‌నంతో పాటు భార‌త సైన్యం విశిష్ట‌త‌ను చాటి చెప్పేలా సోమ‌వారం జ‌రిగిన ఓ ఘ‌ట‌న‌ను బీజేపీ సీనియ‌ర్ నేత‌, కేంద్ర పెట్రోలియం శాఖ మంత్రి హ‌ర్‌దీప్ సింగ్ పురీ సోష‌ల్ మీడియాలో పోస్ట్ చేశారు. 18 సెక‌న్ల నిడివి ఉన్న ఈ వీడియో ఇప్పుడు సోష‌ల్ మీడియాలో వైర‌ల్‌గా మారింది.

బౌద్ధ మ‌త గురువు ద‌లైలామా త‌న ప‌ర్య‌ట‌న‌లో భాగంగా బ‌యలుదేరుతూ త‌న‌కు వీడ్కోలు ప‌లికేందుకు నిలుచున్న భార‌త సైనికుడొక‌రికి సెల్యూట్ చేశారు. అంతేకాకుండా త‌న‌కు సెల్యూట్ చేస్తూ నిలుచున్న ఆ భార‌త సైనికుడిని త‌న వ‌ద్ద‌కు ర‌మ్మ‌ని పిలిచి షేక్ హ్యాండ్ ఇచ్చారు. ద‌లైలామా పిలుపుతో ఆయ‌న వ‌ద్ద‌కు వెళ్లిన భార‌త సైనికుడు ఆయ‌న చేతిని ముద్దాడి... దలైలామాపై త‌న‌కున్న గౌర‌వాన్ని చాటుకున్నారు.