Telangana: తెలంగాణ పోలీస్ క‌మాండ్ కంట్రోల్‌పై కేటీఆర్ స్నిప్పెట్ వీడియో ఇదిగో
- క‌మాండ్ కంట్రోల్ సెంట‌ర్‌ను ప్రారంభించిన కేసీఆర్
- నూత‌న భ‌వ‌నంపై ఓ చిన్న వీడియోను విడుద‌ల చేసిన కేటీఆర్
- భ‌వ‌నం, దాని పైభాగం, లోప‌లి వ‌స‌తుల‌ను చూపించిన వీడియో
తెలంగాణ రాజ‌ధాని హైద‌రాబాద్‌లో రాష్ట్ర పోలీసు శాఖ‌కు చెందిన క‌మాండ్ కంట్రోల్ సెంట‌ర్ (టీఎస్‌పీఐసీసీసీ)ను గురువారం మ‌ధ్యాహ్నం సీఎం కేసీఆర్ ప్రారంభించిన సంగ‌తి తెలిసిందే. నూత‌నంగా ప్ర‌పంచ శ్రేణి ప్ర‌మాణాల‌తో నిర్మిత‌మైన ఈ భ‌వ‌న స‌ముదాయానికి సంబంధించిన ఫొటోల‌ను బుధ‌వార‌మే మంత్రి కేటీఆర్ సోష‌ల్ మీడియాలో విడుద‌ల చేసిన సంగ‌తి తెలిసిందే.
తాజాగా క‌మాండ్ కంట్రోల్ సెంట‌ర్‌ను కేసీఆర్ ప్రారంభించ‌డానికి కాస్తంత ముందుగా... నూత‌న భ‌వ‌నం లోప‌ల ఎలా ఉంటుంద‌న్న అంశాన్ని తెలుపుతూ కేటీఆర్ ఓ చిన్న (స్నిప్పెట్) వీడియోను విడుద‌ల చేశారు. 1.23 నిమిషాల నిడివి ఉన్న ఈ వీడియోలో క‌మాండ్ కంట్రోల్ భ‌వ‌నం, దాని పై భాగంలో ఏర్పాటు చేసిన హెలిప్యాడ్‌, భ‌వ‌నం లోప‌ల స‌మావేశ మందిరాలు, పోలీసులు నిఘా కోసం ఏర్పాటు చేసిన అత్యాధునిక స‌దుపాయాలు త‌దిత‌రాల‌న్నీ క‌నిపించాయి.