Telangana: ట్రాక్ట‌ర్ ఎక్కి దుక్కి దున్నిన బండి సంజ‌య్‌... ఫొటోలు ఇవిగో

• ప్రజా సంగ్రామ యాత్ర‌లో బండి సంజ‌య్‌
• న‌ల్ల‌గొండ జిల్లాలో సాగుతున్న సంజ‌య్ యాత్ర‌
• ట్రాక్ట‌ర్‌తో క‌నిపించిన రైతుల‌తో మాట్లాడిన నేత   

---

ప్ర‌జా సంగ్రామ యాత్ర‌లో సాగుతున్న బీజేపీ తెలంగాణ అధ్య‌క్షుడు బండి సంజ‌య్ శ‌నివారం ట్రాక్ట‌ర్ డ్రైవ‌ర్ అవ‌తారం ఎత్తారు. ప్ర‌జా సంగ్రామ యాత్ర మూడో ద‌శ‌లో భాగంగా ప్ర‌స్తుతం ఉమ్మ‌డి న‌ల్ల‌గొండ జిల్లాలో ప‌ర్య‌టిస్తున్న బండి సంజయ్... త‌న దారిలో ఓ పొలం వ‌ద్ద ట్రాక్ట‌ర్‌తో క‌నిపించిన రైతుల‌తో మాట్లాడారు. ఈ సంద‌ర్భంగా ట్రాక్ట‌ర్ ఎక్కి డ్రైవ‌ర్ సీట్లో కూర్చున్న సంజ‌య్‌... ట్రాక్ట‌ర్‌ను న‌డుపుతూ ముందుకు సాగారు.

త‌న‌కు ఓ వైపున రైతును కూర్చోబెట్టుకుని ట్రాక్ట‌ర్‌తో పొలాన్ని దున్నిన సంజ‌య్‌... ఇరగమరగ సాలిరవాలు దున్నాలె.. రైతన్న ఇంట సౌభాగ్యం నిండాలె.. అంటూ వ్యాఖ్యానించారు. ట్రాక్ట‌ర్‌తో పొలం దున్నుతున్న త‌న ఫొటోల‌ను ఆయ‌న సోష‌ల్ మీడియాలో పోస్ట్ చేశారు.