Australia: ఆస్ట్రేలియా రోడ్డు ప్రమాదంలో మృతి చెందిన పంజాబీ సింగర్
- మెల్ బోర్న్ లో నిర్వేయర్ సింగ్ దుర్మరణం
- 9 ఏళ్ల క్రితం ఆస్ట్రేలియాకు వచ్చిన నిర్వేయర్
- నిర్వేయర్ పాడిన పలు పాటలు హిట్
ఆస్ట్రేలియాలో జరిగిన ఘోర రోడ్డు ప్రమాదంలో పంజాబీ సింగర్ నిర్వేయర్ సింగ్ దుర్మరణం పాలయ్యారు. మెల్ బోర్న్ లో బుల్లా డిగ్గర్స్ రెస్ట్ రోడ్డు వద్ద ఈ మధ్యాహ్నం 3.30 గంటలకు ఈ రోడ్డు ప్రమాదం సంభవించింది. తాను ఉద్యోగం చేస్తున్న కార్యాలయానికి ఆయన వెళ్తున్న సమయంలో ప్రమాదం జరిగింది. నిర్వేయర్ సింగ్ ప్రయాణిస్తున్న వాహనాన్ని ఢీకొన్న ఓ వాహనం ఆ తర్వాత మరో జీపును కూడా ఢీకొట్టింది. ఈ ప్రమాదానికి కారణమైన 23 ఏళ్ల వ్యక్తిని పోలీసులు అదుపులోకి తీసుకున్నారు. నిర్వేయర్ సింగ్ 9 ఏళ్ల క్రితం ఆస్ట్రేలియాకు వచ్చారు. ఆయన పాడిన పలు పాటలు హిట్ అయ్యాయి.