Venkatroshaiah Kilari: పవన్ కల్యాణ్ బర్త్ డే వేడుకల్లో పాల్గొన్న వైసీపీ ఎమ్మెల్యే రోశయ్య
- ఈ నెల 2న పవన్ కల్యాణ్ జన్మదిన వేడుకలు
- ఉప్పలపాడులో జరిగిన వేడుకలలో పాల్గొన్న ఎమ్మెల్యే
- జనసేన నాయకులతో కలిసి అన్నం వడ్డించిన వైనం
జనసేన అధినేత, ప్రముఖ నటుడు పవన్ కల్యాణ్ జన్మదిన వేడుకల్లో భాగంగా జరిగిన అన్నదాన కార్యక్రమంలో వైసీపీ ఎమ్మెల్యే పాల్గొనడం చర్చనీయాంశమైంది. గుంటూరు జిల్లా పొన్నూరు నియోజకవర్గంలోని పెదకాకాని మండలం ఉప్పలపాడులో ఈ నెల 2న అభిమానులు పవన్ కల్యాణ్ పుట్టిన రోజు వేడుకలు ఘనంగా నిర్వహించారు.
ఈ కార్యక్రమంలో స్థానిక వైసీపీ ఎమ్మెల్యే కిలారి వెంకట రోశయ్య పాల్గొని జనసేన నాయకులతో కలిసి అన్నం వడ్డించారు. ఇందుకు సంబంధించిన ఫొటోలు తాజాగా వెలుగులోకి వచ్చి చర్చనీయాంశమయ్యాయి.