Janasena: మళ్లీ చెబుతున్నా... పవన్ కల్యాణ్ ప్యాకేజీ స్టారే: మంత్రి అంబటి రాంబాబు
- తనను ప్యాకేజీ స్టార్ అంటే చెప్పుతో కొడతానన్న పవన్
- పవన్ వ్యాఖ్యలపై ఘాటుగా స్పందించిన అంబటి రాంబాబు
- పవన్ ముమ్మాటికీ ప్యాకేజీ స్టారేనని వ్యాఖ్య
- పవన్ రాజకీయాలకు పనికివచ్చే వ్యక్తి కాదని ఆరోపణ
తనను ప్యాకేజీ స్టార్ అంటే చెప్పుతో కొడతానన్న జనసేన అధినేత పవన్ కల్యాణ్ వ్యాఖ్యలపై ఏపీ జలవనరుల శాఖ మంత్రి అంబటి రాంబాబు స్పందించారు. ఓ న్యూస్ ఛానెల్ తో మాట్లాడిన సందర్భంగా ఆయన పవన్ వ్యాఖ్యలపై ఆగ్రహం వ్యక్తం చేశారు. పవన్ ను తాము ఆది నుంచి ప్యాకేజీ స్టారేనని చెబుతున్నామని, ఇప్పుడు కూడా అదే మాట చెబుతున్నామని ఆయన అన్నారు. పవన్ ముమ్మాటికీ ప్యాకేజీ స్టారేనని అంబటి అన్నారు.
వచ్చే ఎన్నికల్లో ప్రభుత్వ వ్యతిరేక ఓటు చీల్చనివ్వనని చెప్పిన పవన్... చంద్రబాబు నుంచి ప్యాకేజీ తీసుకునే ఈ మాట మాట్లాడారని అంబటి అన్నారు. ఈ విషయం రాజకీయ పార్టీలతో పాటు సామాన్య జనానికి కూడా అర్థమైపోయిందని కూడా ఆయన అన్నారు. ఓ రాజకీయ పార్టీ నేతగా ఎవరైనా తాను పదవిలోకి రావాలని కోరుకుంటారు తప్పించి... ప్రభుత్వ వ్యతిరేక ఓటు చీలనివ్వకుండా చూస్తానని చెప్పే నేతను పవన్ ను మాత్రమే చూస్తున్నామని ఆయన ఎద్దేవా చేశారు. ఈ వ్యాఖ్యలతో పవన్ ప్యాకేజీ స్టార్ కాకుండా సొంత స్టారా? అని కూడా అంబటి అన్నారు. పవన్ కల్యాణ్ రాజకీయాలకు పనికి వచ్చే వ్యక్తి కాదని ఆయన తేల్చి చెప్పారు.
