Andhra Pradesh: నిరుద్యోగులకు తీపి కబురు చెప్పిన జగన్ సర్కారు
- పోలీసు శాఖలో 6,511 పోస్టుల భర్తీకి సీఎం గ్రీన్ సిగ్నల్
- సివిల్ పోలీసింగ్ లో 3,580 కానిస్టేబుల్, 315 ఎస్ఐ పోస్టుల భర్తీకి నిర్ణయం
- రిజర్వ్ పోలీసు విభాగంలో 2,520 కానిస్టేబుల్ పోస్టులు, 96 ఎస్ఐ పోస్టుల భర్తీ
- ఉత్తర్వులు జారీ చేసిన హోం శాఖ ముఖ్య కార్యదర్శి
- త్వరలోనే విడుదల కానున్న నోటిఫికేషన్
ఏపీలో నిరుద్యోగులకు వైసీపీ సర్కారు గురువారం తీపి కబురు చెప్పింది. రాష్ట్ర పోలీసు శాఖలో ఖాళీగా ఉన్న 6,511 పోస్టులను భర్తీ చేసేందుకు జగన్ సర్కారు అనుమతి ఇచ్చింది. ఈ పోస్టుల భర్తీని త్వరితగతిన చేపట్టాలంటూ సీఎం వైఎస్ జగన్ మోహన్ రెడ్డి ఆదేశాలు జారీ చేసిన నేపథ్యంలో... పోస్టుల భర్తీకి హోం శాఖ ముఖ్య కార్యదర్శి హరీశ్ కుమార్ గుప్తా ఉత్తర్వులు జారీ చేశారు. ఈ క్రమంలో ఈ పోస్టుల భర్తీకి త్వరలోనే నోటిఫికేషన్ విడుదల కానున్నట్లు సమాచారం.
