Pawan Kalyan: వేమన విగ్రహం స్థానంలో వైఎస్ విగ్రహంపై పవన్ కల్యాణ్ స్పందన ఇదే!

• కడప యోగి వేమన వర్సిటీలో వేమన విగ్రహం తొలగింపు
• వైఎస్ విగ్రహం ఏర్పాటు చేసిన అధికారులు
• విమర్శలకు దారితీసిన నిర్ణయం
• ఓ వేమన పద్యంతో స్పందించిన పవన్

---

కడపలో యోగి వేమన విశ్వవిద్యాలయంలో వేమన విగ్రహం తొలగించి వైఎస్ విగ్రహం ఏర్పాటు చేయడం విమర్శలకు దారితీసింది. దీనిపై జనసేనాని పవన్ కల్యాణ్ తనదైన శైలిలో స్పందించారు. వేమన రాసిన ఓ పద్యాన్ని తాత్పర్యంతో పాటు పంచుకున్నారు. 
విద్యలేనివాడు విద్వాంసుచేరువ
నుండగానే పండితుండుగాడు
కొలని హంసలకదా గొక్కెర లున్నట్లు
విశ్వదాభిరామ! వినుర వేమ!
తాత్పర్యం: విద్యలేనివాడు విద్వాంసుల దగ్గర ఉన్నంత మాత్రాన వాడు ఎప్పటికీ విద్వాంసుడు కాలేడు. సరోవరంలోని రాజహంసల సమూహంలో కొంగ ఉన్నంత మాత్రాన అది రాజహంస అవదు కదా అని అర్థం.
ఈ మేరకు పవన్ కల్యాణ్ ట్వీట్ చేశారు. వేమన విగ్రహం తొలగింపునకు సంబంధించి ఓ పత్రికలో వచ్చిన కథనం తాలూకు క్లిప్పింగ్ ను కూడా పంచుకున్నారు.