Voters Lists: తెలుగు రాష్ట్రాల ఓటర్ల జాబితాలు విడుదల చేసిన ఎన్నికల సంఘం... వివరాలు ఇవిగో!
- ఇటీవల పూర్తయిన ఓటర్ల జాబితా సవరణలు
- ఏపీ, తెలంగాణ నూతన జాబితాలు ప్రకటించిన ఈసీ
- ఏపీలో 4 కోట్లకు చేరువలో ఓటర్లు
- తెలంగాణలో 3 కోట్లకు చేరువలో ఓటర్లు
కేంద్ర ఎన్నికల సంఘం తెలుగు రాష్ట్రాల ఓటర్ల జాబితాలను విడుదల చేసింది. ఇటీవల ఓటర్ల సవరణ పూర్తయిన నేపథ్యంలో, తెలంగాణ, ఏపీలకు సంబంధించి నూతన జాబితాలు రూపొందించింది. తెలంగాణలో ఓటర్ల సంఖ్య 3 కోట్లకు చేరువ కాగా, ఏపీలో 4 కోట్లకు దగ్గరైంది. ప్రతి సంవత్సరం కేంద్ర ఎన్నికల సంఘం సవరణల అనంతరం జనవరిలో ఓటర్ల తుది జాబితాలను ప్రకటించడం ఆనవాయతీ.
తాజాగా ప్రకటించిన జాబితాల ప్రకారం...
- తెలంగాణలో మొత్తం ఓటర్ల సంఖ్య- 2,99,92,941
- పురుష ఓటర్ల సంఖ్య- 1,50,48,250
- మహిళా ఓటర్ల సంఖ్య- 1,49,24,718
- థర్డ్ జెండర్ ఓటర్ల సంఖ్య- 1,951
- సర్వీసు ఓటర్ల సంఖ్య- 15,282
- హైదరాబాద్ జిల్లాలో ఓటర్ల సంఖ్య- 42,15,456
- రంగారెడ్డి జిల్లాలో ఓటర్ల సంఖ్య- 31,08,068
- మేడ్చల్ మల్కాజిగిరి జిల్లాలో ఓటర్ల సంఖ్య- 25,24,951
- అత్యధిక ఓటర్లు ఉన్న నియోజకవర్గం శేరిలింగంపల్లి (6,44,072)
- అతి తక్కువ సంఖ్యలో ఓటర్లు ఉన్న నియోజకవర్గం భద్రాచలం (1,42,813)
- ఆంధ్రప్రదేశ్ లో మొత్తం ఓటర్ల సంఖ్య- 3,99,84,868
- ఏపీలో మహిళా ఓటర్ల సంఖ్య- 2,02,19,104
- ఏపీలో పురుష ఓటర్ల సంఖ్య- 2,01,32,271
- ఏపీలో సర్వీసు ఓటర్ల సంఖ్య- 68,162
- థర్డ్ జెండర్ ఓటర్ల సంఖ్య- 3,924
- అత్యధిక ఓటర్లు ఉన్న జిల్లా కర్నూలు (19,42,233)
- అతి తక్కువగా ఓటర్లు కలిగి వున్న జిల్లా (7,29,085)