Pawan Kalyan: పవన్ తో బాలయ్య అన్ స్టాపబుల్-2... తాజా టీజర్ ఇదిగో!

నందమూరి బాలకృష్ణ హోస్ట్ గా వ్యవహరిస్తున్న అన్ స్టాపబుల్ టాక్ షో తొలి సీజన్ ను మించి రెండో సీజన్ దూసుకుపోతోంది. సినీ, రాజకీయ ప్రముఖులను ఇంటర్వ్యూకు పిలుస్తూ, వారిని అన్ని కోణాల్లో ప్రశ్నిస్తూ బాలయ్య ఈ టాక్ షోను రక్తికట్టిస్తున్నారు. ఆహా ఓటీటీ వేదికపై ఈ టాక్ షో ప్రత్యేక ఆకర్షణగా నిలుస్తోంది. 

తాజాగా, జనసేనాని, టాలీవుడ్ పవర్ స్టార్ పవన్ కల్యాణ్ కూడా అన్ స్టాపబుల్-2 కార్యక్రమానికి హాజరు కాగా, దానికి సంబంధించిన ఎపిసోడ్ ను కూడా చిత్రీకరించారు. ఈ మేరకు ఆహా వీడియో టీజర్ వీడియోను విడుదల చేసింది. పవన్ ను తనదైన శైలిలో బాలయ్య పలు ప్రశ్నలు అడగడం ఈ వీడియోలో చూడొచ్చు. 

తన అన్నయ్య చిరంజీవి నుంచి నేర్చుకున్నవి ఏంటి, వద్దనుకున్నవి ఏంటి? అంటూ పవన్ ను బాలయ్య ప్రశ్నించారు. అంతేకాదు, రాష్ట్రంలో దాదాపు ప్రతి ఒక్కరూ పవన్ ఫ్యానే అని, కానీ ఆ అభిమానం ఓట్ల రూపంలోకి ఎందుకు మారలేదని సూటిగా అడిగారు. ఇలాంటివే అనేక ప్రశ్నల సమాహారం ఈ ఎపిసోడ్ అని టీజర్ చూస్తే తెలుస్తోంది.