Sunny Leone: సన్నీ లియోన్ పాల్గొనాల్సిన ఈవెంట్ కు సమీపంలో శక్తిమంతమైన పేలుడు

మణిపూర్ రాజధాని ఇంఫాల్ లో శక్తిమంతమైన పేలుడు చోటుచేసుకుంది. బాలీవుడ్ భామ సన్నీ లియోన్ పాల్గొనే ఓ ఫ్యాషన్ ఈవెంట్ వేదికకు 100 మీటర్ల దూరంలోనే ఈ పేలుడు జరిగింది. హట్టా కాంగ్జీబంగ్ ప్రాంతంలో నిర్వహించే ఈ కార్యక్రమానికి సన్నీ లియోన్ రేపు ఆదివారం హాజరు కావాల్సి ఉంది.

 కాగా, పేలుడు ఘటనలో ఎవరికీ ప్రాణహాని జరగకపోడంతో అధికారవర్గాలు ఊపిరి పీల్చుకున్నాయి. ఈ దాడికి తమదే బాధ్యత అని ఇంకా ఏ తీవ్రవాద సంస్థ కూడా ప్రకటించలేదు. పేలుడు నేపథ్యంలో, ఇంఫాల్ లో భారీగా భద్రతా బలగాలను మోహరించారు. ఇలాంటి పరిస్థితుల్లో, ఫ్యాషన్ ఈవెంట్ కు సన్నీ హాజరవుతుందా? అనే అంశంపై అనిశ్చితి నెలకొంది.