Chandrababu: అన్నింటికి పేర్లు, రంగులు మార్చడం ఆయనకున్న మానసిక జబ్బేమో!: చంద్రబాబు
- విజయవాడలో ప్రసిద్ధికెక్కిన తుమ్మలపల్లి కళాక్షేత్రం
- తుమ్మలపల్లి, క్షేత్రయ్య పేర్లు తీసేసిన వైనం
- ప్రభుత్వంపై సాహితీప్రియుల ఆగ్రహం
- ఏ దోపిడీదారుడి పేరో పెడతారంటూ చంద్రబాబు సెటైర్
విజయవాడలోని ప్రఖ్యాత 'తుమ్మలపల్లి వారి క్షేత్రయ్య కళాక్షేత్రం'లో తుమ్మలపల్లి, క్షేత్రయ్యల పేర్లను తొలగించడం తీవ్ర విమర్శలకు దారితీసింది. సీఎం జగన్ పై సాహితీప్రియులు మండిపడుతున్నారు.
ఈ నేపథ్యంలో, టీడీపీ అధినేత చంద్రబాబు కూడా స్పందించారు. స్థలం ఇచ్చిన దాత తుమ్మలపల్లి శ్రీహరి గారి పేరు, వాగ్గేయకారుడు క్షేత్రయ్య పేరు... రెండూ తీసేశారని మండిపడ్డారు. కళాక్షేత్రానికి కూడా ఏ దోపిడీదారుడి పేరో పెడతారనుకుంటా అని సెటైర్ వేశారు. ఇలా అన్నింటికి పేర్లు, రంగులు మార్చడం ఆయనకున్న జబ్బేమో! అంటూ వ్యంగ్యం ప్రదర్శించారు.