YS Sharmila: తారకరత్న భార్య అలేఖ్యను పరామర్శించిన షర్మిల... వీడియో ఇదిగో!
- మోకిల గ్రామంలో తారకరత్న భౌతికకాయం
- నివాళులు అర్పించిన షర్మిల
- అలేఖ్యను ఓదార్చిన వైనం
గుండెపోటుకు గురై చికిత్స పొందుతూ మృతి చెందిన నందమూరి తారకరత్న భౌతికకాయానికి వైఎస్సార్టీపీ అధ్యక్షురాలు వైఎస్ షర్మిల నివాళులు అర్పించారు. షర్మిల ఈ సాయంత్రం రంగారెడ్డి జిల్లా మోకిల గ్రామంలో ఉన్న తారకరత్న నివాసానికి వచ్చారు. తీవ్ర విషాదంలో ఉన్న తారకరత్న భార్య అలేఖ్యను ఓదార్చారు. అలేఖ్యతో మాట్లాడి ఆమెకు ధైర్యం చెప్పే ప్రయత్నం చేశారు.
ఈ సందర్భంగా అక్కడే ఉన్న వైసీపీ జాతీయ ప్రధాన కార్యదర్శి విజయసాయిరెడ్డితోనూ, అలేఖ్య కుటుంబ సభ్యులతోనూ షర్మిల మాట్లాడారు. దీనికి సంబంధించిన వీడియో సామాజిక మాధ్యమాల్లో దర్శనమిస్తోంది.
