Gujarat Giants: భారీ టార్గెట్ నిర్దేశించిన జెయింట్స్... ఆర్సీబీ అమ్మాయిలకు అగ్నిపరీక్ష
- డబ్ల్యూపీఎల్ లో గుజరాత్ జెయింట్స్ వర్సెస్ ఆర్సీబీ
- టాస్ గెలిచి బ్యాటింగ్ ఎంచుకున్న జెయింట్స్
- 20 ఓవర్లలో 4 వికెట్లకు 188 పరుగులు
- రాణించిన వోల్వార్ట్, గార్డనర్, మేఘన
టోర్నీలో వరుస పరాజయాల అనంతరం ఎట్టకేలకు గెలుపు బోణీ చేసిన రాయల్ చాలెంజర్స్ బెంగళూరు జట్టుకు ఇవాళ అగ్నిపరీక్ష ఎదురైంది. గుజరాత్ జెయింట్స్ తో మ్యాచ్ లో భారీ లక్ష్యం కళ్ల ముందు నిలిచింది. ఈ మ్యాచ్ లో టాస్ గెలిచిన గుజరాత్ జెయింట్స్ తొలుత బ్యాటింగ్ ఎంచుకుంది. నిర్ణీత 20 ఓవర్లలో 4 వికెట్లకు 188 పరుగులు చేసింది.
ఓపెనర్ లారా వోల్వార్ట్ మరోసారి అర్ధసెంచరీతో అలరించగా, ఆష్లే గార్డనర్ 41 పరుగులతోనూ, సబ్బినేని మేఘన 31 పరుగులతోనూ ఆకట్టుకున్నారు. వోల్వార్ట్ 42 బంతుల్లో 9 ఫోర్లు, 2 సిక్సులతో 68 పరుగులు చేసింది. ఆఖర్లో హేమలతా (16 నాటౌట్), హర్లీన్ డియోల్ (12) కూడా ధాటిగా ఆడారు.
అనంతరం లక్ష్యఛేదనలో ఆర్సీబీ 4 ఓవర్లు ముగిసేసరికి వికెట్ నష్టపోకుండా 57 పరుగులు చేసింది. ఓపెనర్ సోఫీ డివైన్ 27, కెప్టెన్ స్మృతి మంధన 22 పరుగులతో ఆడుతున్నారు.