Mumbai Indians: చెన్నై సూపర్ కింగ్స్ టార్గెట్ 158 రన్స్
- వాంఖెడేలో ముంబయి ఇండియన్స్ వర్సెస్ చెన్నై సూపర్ కింగ్స్
- టాస్ ఓడి బ్యాటింగ్ కు దిగిన ముంబయి
- 20 ఓవర్లలో 8 వికెట్లకు 157 పరుగులు
చెన్నై సూపర్ కింగ్స్ తో పోరులో తొలుత బ్యాటింగ్ చేసిన ముంబయి ఇండియన్స్ నిర్ణీత 20 ఓవర్లలో 8 వికెట్లకు 157 పరుగులు చేసింది. ముంబయి జట్టులో హేమాహేమీ బ్యాట్స్ మెన్ ఉన్నప్పటికీ భారీ స్కోరు సాధించడంలో విఫలమైంది. రోహిత్ శర్మ 21, ఇషాన్ కిషన్ 32, కామెరాన్ గ్రీన్ 12, సూర్యకుమార్ యాదవ్ 1, తిలక్ వర్మ 22, టిమ్ డేవిడ్ 31 పరుగులు చేశారు. ఆఖర్లో హృతిక్ షోకీన్ వేగంగా ఆడి 18 పరుగులు చేయడంతో ముంబయి స్కోరు 150 మార్కు దాటింది. చెన్నై సూపర్ కింగ్స్ బౌలర్లలో రవీంద్ర జడేజా 3, తుషార్ దేశ్ పాండే 2, మిచెల్ శాంట్నర్ 2, సిసాందా మగాలా 1 వికెట్ తీశారు.