Telangana: నేడు తెలంగాణ ‘పది’ ఫలితాలు.. సత్తా చాటేదెవరో!
- నేటి మధ్యాహ్నం 12 గంటలకు విడుదల చేయనున్న మంత్రి సబితా ఇంద్రారెడ్డి
- ఉట్నూరులో 9 మంది విద్యార్థుల తెలుగు పరీక్ష జవాబు పత్రాల గల్లంతు
- అంతర్గత మార్కుల ఆధారంగా పాస్ చేసిన అధికారులు!
తెలంగాణ పదో తరగతి పరీక్ష ఫలితాలు నేడు వెల్లడి కానున్నాయి. ఈ మధ్యాహ్నం 12 గంటలకు విద్యాశాఖ మంత్రి సబితా ఇంద్రారెడ్డి రాష్ట్ర విద్యా పరిశోధన, శిక్షణ మండలి (ఎస్‌సీఈఆర్‌టీ) ప్రాంగణంలో ఫలితాలను విడుదల చేస్తారు.
ఏప్రిల్ 3 నుంచి 12వ తేదీ వరకు పదో తరగతి పరీక్షలు జరిగాయి. మొత్తం 4,84,370 మంది విద్యార్థులు పరీక్షలు రాశారు. ఆదిలాబాద్ జిల్లా ఉట్నూరులో 9 మంది విద్యార్థుల తెలుగు పరీక్ష జవాబు పత్రాల బండిల్ కనిపించకుండా పోయింది. ఈ నేపథ్యంలో అంతర్గత మార్కులను పరిగణనలోకి తీసుకుని వారిని పాస్ చేసినట్టు సమాచారం.
కాగా, విద్యార్థులు bse.telangana.gov.in, bseresults.telangana.gov.in వెబ్‌సైట్ల ద్వారా తమ ఫలితాలను తెలుసుకోవచ్చు. నిన్న విడుదలైన ఇంటర్ ఫలితాల్లో అమ్మాయిలే ప్రతిభ కనబరించారు. మరి ‘పది’లో పైచేయి ఎవరిదో చూడాల్సిందే.