RBI: ఇకపై రూ.2 వేల నోట్లు ఇవ్వొద్దు... బ్యాంకులకు ఆర్బీఐ ఆదేశాలు
- రూ.2 వేల నోట్లపై ఆర్బీఐ కీలక నిర్ణయం
- రూ.2 వేల నోట్లను చెలామణి నుంచి తప్పిస్తున్నట్టు సంకేతాలు
- ఆర్బీఐ ఉత్తర్వులు తక్షణమే అమలు
దేశంలో పెద్ద నోట్ల వినియోగం నకిలీ నోట్ల వ్యాప్తికి దారితీస్తుందని ఎప్పటినుంచో ఆందోళనలు వ్యక్తమవుతున్నాయి. ముఖ్యంగా, రూ.2 వేల నోట్లకు నకిలీలు తీసుకువస్తే దేశ ఆర్థిక వ్యవస్థకు తీవ్ర నష్టం తప్పదని ఆర్థికవేత్తలు చెబుతున్నారు. ఈ నేపథ్యంలో, రిజర్వ్ బ్యాంక్ ఆఫ్ ఇండియా (ఆర్బీఐ) కీలక నిర్ణయం తీసుకుంది.
వినియోగదారులకు రూ.2 వేల నోట్లు ఇవ్దొద్దని బ్యాంకులను ఆదేశించింది. ఈ మేరకు తాజా ఉత్తర్వులు వెలువరించింది. ఆర్బీఐ ఉత్తర్వులు తక్షణమే అమల్లోకి రానున్నాయి. ఈ నిర్ణయం నేపథ్యంలో, ఆర్బీఐ రూ.2 వేల నోట్లను చెలామణి నుంచి తప్పించనున్నట్టు అర్థమవుతోంది.
అయితే, ఇప్పటికే ఎవరి వద్ద అయినా రూ.2 వేల నోట్లు ఉంటే ఆ నోట్లను ఈ నెల 23వ తేదీ నుంచి మార్చుకునే అవకాశం ఇస్తున్నారు. 19 ఆర్బీఐ ప్రాంతీయ కార్యాలయాల్లో రూ.2 వేల నోట్లను మార్చుకునే వెసులుబాటు కల్పించారు. రూ.2 వేల నోట్లను సెప్టెంబరు 30 లోగా మార్చుకోవాలని ఆర్బీఐ స్పష్టం చేసింది.
2018-19 ఆర్థిక సంవత్సరంలోనే రూ.2 వేల నోట్ల ముద్రణను నిలిపివేసినట్టు ఆర్బీఐ వెల్లడించింది.