Ram Gopal Varma: 'వ్యూహం' చిత్రంలో వైఎస్ భారతి పాత్రధారి ఈమే: రామ్ గోపాల్ వర్మ
- వ్యూహం అనే రాజకీయ చిత్రాన్ని ప్రకటించిన వర్మ
- జగన్ పాత్రలో అజ్మల్ అమీర్
- వైఎస్ భారతిగా మానస రాధాకృష్ణన్
- పలు స్టిల్స్ ను పంచుకున్న వర్మ
ప్రముఖ దర్శకుడు రామ్ గోపాల్ వర్మ గతేడాది వ్యూహం అనే పొలిటికల్ చిత్రాన్ని ప్రకటించడం తెలిసిందే. తాజాగా ఈ చిత్రంలో పాత్రలు, నటులను పరిచయం చేస్తూ వర్మ ట్వీట్ చేశారు. వైఎస్ జగన్ పాత్రను దక్షిణాది నటుడు అజ్మల్ అమీర్ పోషిస్తుండగా, వైఎస్ భారతి పాత్రలో మానస రాధాకృష్ణన్ అనే యువతి నటిస్తోంది. ఈ చిత్రానికి చెందిన పలు స్టిల్స్ ను వర్మ సోషల్ మీడియా ద్వారా పంచుకున్నారు.
ఇది బయోపిక్ కాదని, బయోపిక్ ను మించిన రియల్ పిక్ అని వర్మ గతంలోనే ప్రకటించారు. ఇందులో అన్నీ నిజాలే ఉంటాయని తెలిపారు. కాగా, ఈ రియల్ పిక్ రెండు భాగాలుగా వస్తుందని, వ్యూహం మొదటి భాగం అని, రెండో భాగం పేరు శపథం అని వర్మ వివరించారు.
అప్పట్లో వర్మ సీఎం జగన్ ను కలిసిన వెంటనే ఈ సినిమా ప్రకటన చేయడంతో అందరిలోనూ ఆసక్తి నెలకొంది. వర్మ తాజా స్టిల్స్ తో మళ్లీ ఇన్నాళ్లకు ఈ సినిమా ప్రస్తావన తెచ్చారు.