Kajal Agarwal: కాజల్ నుంచి 60వ సినిమా .. టైటిల్ పోస్టర్ రిలీజ్ కి రంగం సిద్ధం!

17-06-2023 Sat 16:52 | Entertainment

తెలుగు .. తమిళ భాషల్లో స్టార్ హీరోయిన్ గా కాజల్
సుదీర్ఘమైన కెరియర్ ను చూసిన హీరోయిన్
60వ సినిమా షూటింగులో బిజీగా ఉన్న నాయిక
రేపు ఖరారు కానున్న టైటిల్
ఆల్రెడీ సెట్స్ పై ఉన్న రెండు భారీ ప్రాజెక్టులు

వెండితెరపై హీరోయిన్ గా ఛాన్స్ ను సంపాదించుకోవడం .. నిలదొక్కుకోవడం .. సుదీర్ఘకాలం పాటు స్టార్ డమ్ తో కొనసాగడం అంత తేలికైన విషయం కాదు. ఏ భాషలో చూసినా హీరోయిన్స్ మధ్య గట్టిపోటీ ఉంటుంది. అలాంటి పరిస్థితుల్లో తెలుగు .. తమిళ భాషల్లో స్టార్ హీరోయిన్ గా చాలాకాలం పాటు కొనసాగిన కథానాయికగా కాజల్ కనిపిస్తుంది.

కాజల్ ప్రస్తుతం తన 60వ సినిమా చేస్తోంది. ఈ మధ్య కాలంలో ఒక హీరోయిన్ ఇంత కెరియర్ ను చూడటం .. ఇన్ని సినిమాలు చేయడం ఆశ్చర్యంగానే చెప్పుకోవాలి. కాజల్ చేస్తున్న తన 60వ సినిమా టైటిల్ ను ... ఆ సినిమా గ్లింప్స్ ను రేపు రిలీజ్ చేయనున్నారు. అందుకు సంబంధించిన అధికారిక పోస్టర్ ను కొంతసేపటి క్రితం వదిలారు.

కారు విండోలో నుంచి బయటికి కనిపిస్తూ కాజల్ చేయి .. సైడ్ మిర్రర్ లో ఆమె ఫేస్ ను చూపిస్తూ ఈ పోస్టర్ ను రిలీజ్ చేశారు. చూస్తుంటే ఇది నాయిక ప్రధానమైన సినిమాగా కనిపిస్తోంది. మునుపెన్నడూ లేని విధంగా ఈ సినిమాలో కాజల్ ను చూపించనున్నారు. ప్రస్తుతం కాజల్ 'భగవంత్ కేసరి' .. 'ఇండియన్ 2' సినిమాలు చేస్తోంది.