Kishan Reddy: నాడు మోదీతో ఉన్నప్పటి అరుదైన ఫొటోలు పంచుకున్న కిషన్ రెడ్డి
- అమెరికా పర్యటనకు వెళ్లిన కిషన్ రెడ్డి
- ఐరాస టూరిజం సంస్థ సదస్సులో పాల్గొనాలని కిషన్ రెడ్డికి ఆహ్వానం
- తొలిసారి అమెరికాలో పర్యటించడాన్ని గుర్తుకు తెచ్చుకున్న కిషన్
కేంద్ర పర్యాటక మంత్రి, తెలంగాణ బీజేపీ చీఫ్ కిషన్ రెడ్డి అమెరికా పర్యటనకు బయల్దేరారు. వరల్డ్ టూరిజంపై ఐక్యరాజ్యసమితి పర్యాటక సంస్థ ఏర్పాటు చేసిన సదస్సుకు కిషన్ రెడ్డి హాజరు కానున్నారు. ఈ నేపథ్యంలో, తాను గతంలో ఓసారి అమెరికా వెళ్లినప్పటి ఫొటోలను పంచుకున్నారు. కొన్ని దశాబ్దాల నాటి ఆ పర్యటనలో కిషన్ రెడ్డి చాలా చిన్నవాడిగా ఉండడం చూడొచ్చు. ఈ ఫొటోల్లో మోదీని చూసిన వారు కూడా ఆశ్చర్యపోతారు. ఈ ఫొటోలతో కిషన్ రెడ్డి ట్వీట్ చేశారు.
"యూఎన్ డబ్ల్యూటీఓ సమావేశం కోసం అమెరికా చేరుకున్న సందర్భంగా నా మొదటి అమెరికా పర్యటన గుర్తుకు వచ్చింది. ఆ సమయంలో నాతో పాటు ప్రస్తుత ప్రధాని నరేంద్ర మోదీ, దివంగత కేంద్ర మాజీ మంత్రి అనంతకుమార్ తదితరులు కూడా ఉన్నారు" అని కిషన్ రెడ్డి వివరించారు.
