Garapati Srinivas: కొడాలి నాని, వల్లభనేని వంశీ చేతికి గాజులు వేసుకున్నారు: ఎన్టీఆర్ మనవడు గారపాటి శ్రీనివాస్
- ఎన్టీఆర్, నారా కుటుంబాల్లోని ఆడవాళ్ల గురించి కించపరిచే వ్యాఖ్యలు చేసినప్పుడు మహిళా కమిషన్ ఎటుపోయిందని ప్రశ్న
- నారా కుటుంబానికి ఎన్టీఆర్ ఫ్యామిలీ మొత్తం అండగా ఉంటుందని వెల్లడి
- చంద్రబాబును జైల్లో పెడితే తెలుగువారు సహించరని వ్యాఖ్య
వైసీపీ ప్రభుత్వంపై దివంగత ఎన్టీఆర్ మనవడు గారపాటి శ్రీనివాస్ నిప్పులు చెరిగారు. మంత్రి రోజా గురించి ఏదో మాట్లాడారంటూ కేసులు పెడుతున్నారని... ఎన్టీఆర్, చంద్రబాబు కుటుంబంలోని ఆడవాళ్ల గురించి వైసీపీ నేతలు కించపరిచే వ్యాఖ్యలు చేసినప్పుడు రాష్ట్ర మహిళా కమిషన్ ఎటు పోయిందని ఆయన మండిపడ్డారు. ఎన్టీఆర్ కుటుంబం గురించి దారుణంగా మాట్లాడుతున్నా... కొడాలి నాని, వల్లభనేని వంశీలు స్పందించకుండా, గాజులు తొడుక్కుని కూర్చున్నారని దుయ్యబట్టారు. నారా కుటుంబానికి ఎన్టీఆర్ ఫ్యామిలీ మొత్తం అండగా ఉందని తెలిపారు. ప్రజస్వామ్యానికి సంకెళ్లు వేస్తున్నారని... దీని ద్వారా భవిష్యత్ తరాలకు ఏం నేర్పించాలనుకుంటున్నారని ప్రశ్నించారు. చంద్రబాబును జైల్లో పెడితో తెలుగువారు సహించరని అన్నారు.
