Chandrababu: అమరావతి నుంచి హైదరాబాద్ వస్తున్న చంద్రబాబు.. షెడ్యూల్ వివరాలు ఇవిగో!
- రాజమండ్రి నుంచి ఉండవల్లి నివాసానికి చేరుకున్న చంద్రబాబు
- సాయంత్రం 4.45 గంటలకు హైదరాబాద్ కు పయనం
- నేరుగా జూబ్లీహిల్స్ లోని తన నివాసానికి చేరుకోనున్న బాబు
స్కిల్ డెవలప్ మెంట్ కేసులో నిన్న బెయిల్ పై విడుదలైన టీడీపీ అధినేత చంద్రబాబు ఈరోజు హైదరాబాద్ కు వస్తున్నారు. రాజమండ్రి నుంచి సుదీర్ఘ ప్రయాణం తర్వాత ఉదయం 6 గంటల సమయంలో ఆయన అమరావతిలోని ఉండవల్లి నివాసానికి చేరుకున్నారు. వాస్తవానికి ఆయన ఈరోజు తిరుమలకు వెళ్లి, శ్రీవేంకటేశ్వర స్వామివారిని దర్శించుకోవాల్సి ఉంది. అయితే, తిరుమల పర్యటనను ఆయన రద్దు చేసుకున్నారు. ఈ సాయంత్రం ఆయన నేరుగా హైదరాబాద్ కు రానున్నారు.
చంద్రబాబు నేటి షెడ్యూల్:
- మధ్యాహ్నం 3 గంటలకు - ఉండవల్లి నివాసం నుంచి బయల్దేరనున్న చంద్రబాబు
- 3.45 గంటలకు - విజయవాడ ఎయిర్ పోర్టుకు చేరిక
- 4.00 గంటలకు - శంషాబాద్ ఎయిర్ పోర్టుకు పయనం
- 4.45 గంటలకు - హైదరాబాద్ చేరిక
- 5 గంటలకు - ఎయిర్ పోర్టు నుంచి ఇంటికి పయనం
- 5.50 గంటలకు - జూబ్లీహిల్స్ లోని నివాసానికి చేరుకోనున్న చంద్రబాబు
