Josh Englis: విశాఖ టీ20లో ఇంగ్లిస్ విధ్వంసక సెంచరీ... ఆసీస్ భారీ స్కోరు
- విశాఖలో టీమిండియా, ఆసీస్ మధ్య తొలి టీ20
- టాస్ గెలిచి బౌలింగ్ ఎంచుకున్న టీమిండియా
- 50 బంతుల్లో 110 పరుగులు చేసిన జోష్ ఇంగ్లిస్
- 11 ఫోర్లు, 8 సిక్సులు బాదిన ఆసీస్ బ్యాటర్
- స్టీవ్ స్మిత్ అర్ధసెంచరీ
విశాఖలో టీమిండియాతో తొలి టీ20లో ఆస్ట్రేలియా జట్టు భారీ స్కోరు సాధించింది. టాస్ ఓడి బ్యాటింగ్ కు దిగిన ఆసీస్ జట్టు నిర్ణీత 20 ఓవర్లలో 3 వికెట్లకు 208 పరుగులు చేసింది.
ఆసీస్ బ్యాటర్ జోష్ ఇంగ్లిస్ సూపర్ సెంచరీ నమోదు చేయడం ఈ ఇన్నింగ్స్ లో హైలైట్. జోష్ ఇంగ్లిస్ 50 బంతుల్లోనే 110 పరుగులు చేయడం విశేషం. టీమిండియా యువ బౌలర్లను ఇంగ్లిస్ ఉతికారేశాడు. అతడి స్కోరులో 11 ఫోర్లు, 8 సిక్సులు ఉన్నాయి.
అంతకుముందు, ఓపెనర్ గా వచ్చిన స్టీవ్ స్మిత్ 41 బంతుల్లో 8 ఫోర్లతో 52 పరుగులు చేశాడు. స్మిత్ రనౌట్ రూపంలో వెనుదిరిగాడు. చివర్లో టిమ్ డేవిడ్ (19 నాటౌట్) ధాటిగా ఆడడంతో 200 మార్కు దాటింది. టీమిండియా బౌలర్లలో రవి బిష్ణోయ్ 1, ప్రసిద్ధ్ కృష్ణ 1 వికెట్ తీశారు.