Stock Market: భారీ లాభాల్లో ముగిసిన స్టాక్ మార్కెట్లు.. 71 వేలను దాటిన సెన్సెక్స్

24-01-2024 Wed 16:15 | Business

నిన్నటి భారీ పతనం నుంచి కోలుకున్న స్టాక్ మార్కెట్లు
690 పాయింట్లు పెరిగిన సెన్సెక్స్
215 పాయింట్లు లాభపడ్డ నిఫ్టీ

నిన్న భారీ నష్టాలను మూటకట్టుకున్న దేశీయ స్టాక్ మార్కెట్లు ఈరోజు మళ్లీ పుంజుకున్నాయి. ఈరోజు ఉదయం మార్కెట్లు నష్టాల్లో ప్రారంభమైనప్పటికీ... చివరకు భారీ లాభాల్లో ముగిశాయి. కనిష్ఠాల వద్ద కొనుగోళ్ల మద్దతుతో మార్కెట్లు పుంజుకున్నాయి. ఈ క్రమంలో ఈరోజు ట్రేడింగ్ ముగిసే సమయానికి సెన్సెక్స్ 690 పాయింట్లు లాభపడి 71,060కి ఎగబాకింది. నిఫ్టీ 215 పాయింట్లు పెరిగి 21,454కు చేరుకుంది.

బీఎస్ఈ సెన్సెక్స్ టాప్ గెయినర్స్:
టాటా స్టీల్ (3.88%), పవర్ గ్రిడ్ కార్పొరేషన్ ఆఫ్ ఇండియా (3.49%), హెచ్సీఎల్ టెక్నాలజీస్ (3.44%), ఇండస్ ఇండ్ బ్యాంక్ (3.23%), టెక్ మహీంద్రా (3.09%).

టాప్ లూజర్స్:
ఐసీఐసీఐ బ్యాంక్ (-2.94%), యాక్సిస్ బ్యాంక్ (-2.77%), ఏసియన్ పెయింట్ (-1.91%), టీసీఎస్ (-0.36%), బజాజ్ ఫైనాన్స్ (-0.17%).