Kannappa: త్వరలో మంచు విష్ణు 'కన్నప్ప' రెండో షెడ్యూల్

టాలీవుడ్ కథానాయకుడు మంచు విష్ణు డ్రీమ్ ప్రాజెక్టు కన్నప్ప త్వరలోనే రెండో షెడ్యూల్ లో అడుగుపెట్టనుంది. కన్నప్ప చిత్రానికి మహాభారత్  సిరీస్ ఫేమ్ ముఖేశ్ కుమార్ సింగ్ దర్శకత్వం వహిస్తున్నారు. 

ఇటీవలే న్యూజిలాండ్ లో సుదీర్ఘంగా తొలి షెడ్యూల్ జరుపుకున్న కన్నప్ప చిత్రంపై ఇప్పటికే భారీ హైప్ నెలకొంది. తొలి షెడ్యూల్ లో మంచు విష్ణుతో పాటు మోహన్ బాబు, శరత్ కుమార్ వంటి హేమాహేమీలపై సన్నివేశాలను చిత్రీకరించారు. ఈ సినిమాలో ప్రభాస్, మోహన్ లాల్ కూడా నటిస్తుండడంతో అంచనాలు ఓ రేంజ్ లో ఉన్నాయి. 

ఈ నేపథ్యంలో, కన్నప్ప చిత్రంపై మంచు విష్ణు నేడు అప్ డేట్ ఇచ్చారు. రెండో షెడ్యూల్ కోసం సిద్ధమవుతున్నామని వెల్లడించారు. ఈ మేరకు ఇన్ స్టాగ్రామ్ లో సన్నాహక వీడియోను కూడా పంచుకున్నారు.