Shubman Gill: శుభ్ మాన్ గిల్ దూకుడు... గుజరాత్ టైటాన్స్ భారీ స్కోరు
- అహ్మదాబాద్ లో గుజరాత్ టైటాన్స్ × పంజాబ్ కింగ్స్
- టాస్ గెలిచి బౌలింగ్ ఎంచుకున్న పంజాబ్
- 20 ఓవర్లలో 4 వికెట్లకు 199 పరుగులు చేసి గుజరాత్
- 48 బంతుల్లో 89 పరుగులు చేసిన గిల్
పంజాబ్ కింగ్స్ తో పోరులో గుజరాత్ టైటాన్స్ భారీ స్కోరు నమోదు చేసింది. అహ్మదాబాద్ లోని నరేంద్ర మోదీ స్టేడియంలో జరుగుతున్న ఈ మ్యాచ్ లో పంజాబ్ కింగ్స్ టాస్ గెలిచి బౌలింగ్ ఎంచుకుంది. దాంతో మొదట బ్యాటింగ్ చేసిన గుజరాత్ టైటాన్స్ నిర్ణీత 20 ఓవర్లలో 4 వికెట్లకు 199 పరుగులు చేసింది.
కెప్టెన్ శుభ్ మాన్ గిల్ 48 బంతుల్లోనే 89 పరుగులు చేసి అజేయంగా నిలిచాడు. ఇన్నింగ్స్ మొదటి నుంచి చివరి వరకు క్రీజులో నిలిచిన గిల్ 6 ఫోర్లు, 4 సిక్సులు బాదాడు. కేన్ విలియమ్సన్ 26, సాయిసుదర్శన్ 33 పరుగులు చేశారు. ఆఖర్లో రాహుల్ తెవాటియా 8 బంతుల్లో 3 ఫోర్లు, 1 సిక్స్ తో 23 పరుగులు చేసి అజేయంగా నిలిచాడు.
పంజాబ్ కింగ్స్ బౌలర్లలో కగిసో రబాడా 2, హర్ ప్రీత్ బ్రార్ 1, హర్షల్ పటేల్ 1 వికెట్ తీశారు.