Rajasthan Royals: గుజరాత్ బౌలింగ్ ను చితకబాదిన రియాన్ పరాగ్, సంజూ శాంసన్... రాజస్థాన్ భారీ స్కోరు
- జైపూర్ లో రాజస్థాన్ రాయల్స్ × గుజరాత్ టైటాన్స్
- టాస్ ఓడి మొదట బ్యాటింగ్ చేసిన రాజస్థాన్
- నిర్ణీత 20 ఓవర్లలో 3 వికెట్లకు 196 పరుగులు
గుజరాత్ టైటాన్స్ బౌలింగ్ చీల్చి చెండాడుతూ రాజస్థాన్ రాయల్స్ బ్యాటర్లు రియాన్ పరాగ్, కెప్టెన్ సంజూ శాంసన్ అర్ధసెంచరీలు నమోదు చేశారు. సొంతగడ్డ జైపూర్ లో ఈ మ్యాచ్ ఆడుతున్న రాజస్థాన్ రాయల్స్ ఈ మ్యాచ్ లో టాస్ ఓడి మొదట బ్యాటింగ్ చేసింది. నిర్ణీత 20 ఓవర్లలో 3 వికెట్లకు 196 పరుగులు చేసింది. రియాన్ పరాగ్ 49 బంతుల్లో 3 ఫోర్లు, 5 సిక్సులతో 76 పరుగులు చేయగా, సంజు శాంసన్ 38 బంతుల్లో 7 ఫోర్లు, 2 సిక్సులతో 69 పరుగులు చేసి అజేయంగా నిలిచాడు.
అంతకుముందు ఓపెనర్ యశస్వి జైస్వాల్ 24 పరుగులు చేయగా, మరో ఓపెనర్ జోస్ బట్లర్ 8 పరుగులకు అవుటయ్యాడు. గుజరాత్ బౌలర్లలో ఉమేశ్ యాదవ్ 1, రషీద్ ఖాన్ 1, మోహిత్ శర్మ 1 వికెట్ తీశారు.
