Revanth Reddy: సీఎం రేవంత్ రెడ్డి హెలిప్యాడ్ ప్రాంతంలో డ్రోన్ కలకలం
- ఈరోజు అదిలాబాద్, నిజామాబాద్, మల్కాజ్‌గిరి నియోజకవర్గాల పరిధిలో సీఎం బహిరంగ సభలు
- సాయంత్రం మల్కాజ్‌గిరి సభలో పాల్గొన్న సీఎం
- శామీర్‌పేటలో హెలిప్యాడ్ ప్రాంతంలో డ్రోన్ కలకలం
- డ్రోన్ ఎగురవేసిన వ్యక్తిని అదుపులోకి తీసుకున్న పోలీసులు
ముఖ్యమంత్రి రేవంత్ రెడ్డి కోసం ఏర్పాటు చేసిన హెలిప్యాడ్ ప్రాంతంలో డ్రోన్ కలకలం చెలరేగింది. లోక్ సభ ఎన్నికల నేపథ్యంలో సీఎం రేవంత్ రెడ్డి కాంగ్రెస్ అభ్యర్థుల తరఫున జోరుగా ప్రచారం చేస్తున్నారు. ఈ రోజు ఆదిలాబాద్, నిజామాబాద్, మల్కాజ్‌గిరి లోక్ సభ నియోజకవర్గాల పరిధిలో బహిరంగ సభల్లో పాల్గొన్నారు. సాయంత్రం మల్కాజ్‌గిరి సభలో ఆయన పాల్గొన్నారు. ఈ సమయంలో శామీర్‌పేటలో హెలిప్యాడ్ ప్రాంతంలో డ్రోన్ కలకలం చెలరేగింది. ఓ వ్యక్తి డ్రోన్‌ను ఎగురవేశాడు. హెలిప్యాడ్ వద్ద డ్రోన్‌ను ఎగరవేసిన వ్యక్తిని పోలీసులు అదుపులోకి తీసుకున్నారు.