Amit Shah: అమిత్ షా హెలికాప్టర్‌కు త్రుటిలో తప్పిన ప్రమాదం
- టేకాఫ్ సమయంలో కొద్దిసేపు నియంత్రణ కోల్పోయిన హెలికాప్టర్
- కుడివైపు కొద్దిమేర వంగిన చాపర్
- పైలెట్ నియంత్రణ సాధించడంతో సవ్యంగా ప్రయాణించిన హెలికాప్టర్
కేంద్ర హోమంత్రి, బీజేపీ అగ్రనేత అమిత్ షా ప్రయాణించిన ఓ హెలికాప్టర్‌కు త్రుటిలో ప్రమాదం తప్పింది. చాపర్ టేకాఫ్ తీసుకుంటున్న సమయంలో కొన్ని క్షణాలపాటు నియంత్రణ కోల్పోయింది. ఈ ఘటనలో బీహార్‌లో సోమవారం జరిగింది. ఎన్నికల ర్యాలీలో పాల్గొనేందుకు రాష్ట్రంలోని బెగుసరాయ్‌కు వెళ్లిన అమిత్ షాకు తిరుగు ప్రయాణంలో ఈ పరిణామం ఎదురైంది.
వైరల్‌గా మారిన ఈ వీడియో ప్రకారం.. టేకాఫ్ తీసుకుంటున్న సమయంలో హెలికాప్టర్ కుడివైపునకు కొద్దిమేర వాలింది. నేలను తాకుతున్నట్టుగానే అనిపించింది. అయితే పైలెట్ తిరిగి నియంత్రణ సాధించడంతో హెలికాప్టర్ వెళ్లాల్సిన దిశలో బయలుదేరి వెళ్లింది. దీంతో అంతా ఊపిరి పీల్చుకున్నారు.