K Kavitha: జైల్లో కవితను కలిసిన హరీశ్ రావు, రవిచంద్ర
- జ్వరంతో బాధపడుతున్న ఎమ్మెల్సీ కవిత
- ఎయిమ్స్‌లో నిన్న చికిత్స అందించిన జైలు అధికారులు
- ఈ నెల 27న బెయిల్ పిటిషన్‌పై సుప్రీంకోర్టులో విచారణ
ఢిల్లీ మద్యం పాలసీ కేసులో అరెస్టై తీహార్ జైల్లో ఉన్న బీఆర్ఎస్ ఎమ్మెల్సీ కవితను ఆ పార్టీ నేతలు హరీశ్ రావు, వద్దిరాజు రవిచంద్ర కలిశారు. కాగా, కవిత జ్వరంతో బాధపడుతున్నారు. జైలు అధికారులు నిన్న ఆమెకు ఢిల్లీ ఎయిమ్స్‌లో చికిత్స అందించారు. ఈ నెల 27న కవిత బెయిల్ పిటిషన్‌పై సుప్రీంకోర్టులో విచారణ జరగనుంది. మద్యం పాలసీ కేసులో ఐదు నెలల క్రితం అరెస్టైన కవిత నాటి నుంచి జైల్లోనే ఉంటున్నారు. పలుమార్లు బెయిల్ పిటిషన్లు దాఖలు చేసినప్పటికీ... బెయిల్ రాలేదు.
