Mamata Banerjee: అభినంద‌న‌లు హోంమంత్రి గారూ.. జై షా పదవిపై దీదీ సెటైరిక‌ల్ ట్వీట్!
కేంద్ర హోంమంత్రి అమిత్ షా కుమారుడు జై షా ఇటీవ‌ల ఐసీసీ ఛైర్మ‌న్‌గా ఎంపికైన విష‌యం తెలిసిందే. అయితే, జై షా పదవిపై ప‌శ్చిమ బెంగాల్ ముఖ్య‌మంత్రి మ‌మ‌తా బెన‌ర్జీ 'ఎక్స్' (ట్విట్ట‌ర్‌) వేదిక‌గా సెటైర్ వేశారు.
"కేంద్ర హోంమంత్రికి అభినంద‌న‌లు. మీ కుమారుడు రాజ‌కీయ నాయ‌కుడు కాలేక‌పోయాడు. కానీ ఐసీసీ ఛైర్మ‌న్ అయ్యాడు. అనేక మంది నాయ‌కుల కంటే అది చాలా ముఖ్య‌మైన ప‌ద‌వి. మీ కుమారుడు నిజంగా చాలా శ‌క్తిమంతుడిగా మారాడు. అతను ఈ అత్యంత ఉన్నతమైన విజ‌యం సాధించినందుకు నేను మిమ్మ‌ల్ని అభినంద‌స్తున్నాను! వందనాలు!!" అని దీదీ ట్వీట్ చేశారు.