Rinku Singh: బంగ్లా కొనుగోలు చేసిన యంగ్ క్రికెటర్ రింకూ సింగ్.. ఎక్కడో తెలుసా
- అలీఘఢ్ లో రూ.3.5 కోట్లతో ఇల్లు కొనుగోలు
- కుటుంబ సభ్యులతో కలిసి గృహ ప్రవేశం
- సోషల్ మీడియాలో వైరల్‌గా మారిన ఫొటోలు, వీడియోలు
టీమిండియా యంగ్ క్రికెటర్, కోల్‌కతా నైట్ రైడర్స్ జట్టు ఏకంగా రూ.13 కోట్లకు రిటెయిన్ చేసుకున్న ఆటగాడు రింకూ సింగ్ ఓ విలాసవంతమైన బంగ్లాను కొనుగోలు చేశాడు. ఉత్తరప్రదేశ్‌లోని అలీఘఢ్ లో రూ.3.5 కోట్లు వెచ్చించి ఈ ఇంటిని కొన్నాడు. కుటుంబ సభ్యులతో కలిసి గృహప్రవేశం చేశాడు.
గోల్డెన్ ఎస్టేట్‌ ఏరియాలో ఈ బంగ్లా ఉంది. ఈ భవనం విస్తీర్ణం 500 చదరపు గజాలు అని జాతీయ మీడియా కథనాలు పేర్కొంటున్నాయి. కాగా గృహ ప్రవేశానికి సంబంధించిన వీడియోలు, ఫొటోలు సోషల్ మీడియాలో వైరల్‌గా మారాయి.
కాగా, ఐపీఎల్ 2023 సీజన్‌లో యశ్ దయాల్‌ బౌలింగ్‌లో ఒకే ఓవర్‌లో 5 సిక్సర్లు బాదడంతో రింకూ సింగ్‌కు మంచి గుర్తింపు వచ్చింది. ఆ తర్వాత పలు కీలకమైన ఇన్నింగ్స్ ఆడి పవర్ హిట్టర్‌గా నిరూపించుకున్నాడు. జాతీయ జట్టులో కూడా తన స్థానాన్ని సుస్థిరం చేసుకున్న విషయం తెలిసిందే. ఐపీఎల్‌లో కోల్‌కతా నైట్ రైడర్స్ జట్టుకు రింకూ సింగ్ ఆడుతున్నాడు. ఇటీవల ఆ ఫ్రాంచైజీ ప్రకటించిన రిటెన్షన్ జాబితాలో రింకూ సింగ్ పేరు కూడా ఉంది.