Inter Exams: తెలంగాణలో ఇంటర్ పరీక్షల ఫీజు గడువు పొడిగింపు
- మరోసారి అపరాధ రుసుముతో ఇంటర్మీడియట్ పరీక్ష ఫీజు గడువును పొడిగించిన ఇంటర్ బోర్డు
- జనవరి 16 వరకు అవకాశం
- మార్చి 5 నుంచి 25 వరకు పరీక్షలు
ఇంటర్మీడియట్ పరీక్ష ఫీజు గడువును తెలంగాణ ఇంటర్ బోర్డు మరోసారి పొడిగించింది. ఈ మేరకు తెలంగాణ ఇంటర్ బోర్డు ఓ ప్రకటన విడుదల చేసింది. రూ.2,500 అపరాధ రుసుముతో ఈ నెల 16 వరకు చెల్లించేందుకు అవకాశం కల్పించింది. నిజానికి పరీక్ష ఫీజు చెల్లింపు గడువు డిసెంబర్ 17వ తేదీతో ముగియగా, రూ.500 అపరాధ రుసుముతో డిసెంబర్ 31వ తేదీ వరకు గడువు ఇచ్చారు. అ తర్వాత రూ.2 వేల అపరాధ రుసుముతో జనవరి 2 వరకు అవకాశం కల్పించారు.
తాజాగా రూ.2,500 అపరాధ రుసుముతో జనవరి 16 వరకు గడువు పొడిగించారు. కాగా, రాష్ట్రంలో ఇంటర్ పరీక్షలు మార్చి 5 నుంచి మార్చి 25 వరకు జరగనున్న విషయం తెలిసిందే.
