Ajit: దుబాయ్ రేసింగ్ ఈవెంట్ లో హీరో అజిత్ కారుకు ప్రమాదం
- జనవరి 11, 12 తేదీల్లో దుబాయ్ లో ఎండ్యూరెన్స్ కార్ రేసింగ్
- పాల్గొంటున్న హీరో అజిత్
- నేడు ప్రాక్టీస్ సెషన్ లో అపశ్రుతి
- అదుపు తప్పి గోడను ఢీకొట్టిన అజిత్ కారు
కోలీవుడ్ హీరో అజిత్ మంచి బైక్, కార్ రేసర్ అని తెలిసిందే. అయితే, దుబాయ్ రేసింగ్ ఈవెంట్ లో ఆయన కారుకు ప్రమాదం జరిగింది. ఈ ఘటనలో కారు ముందు భాగం డ్యామేజి అయింది. అజిత్ క్షేమంగా ఉన్నారు.
దుబాయ్ లో 24హెచ్ 2025 ఎండ్యూరెన్స్ రేస్ జరగనుంది. ఈ రేసింగ్ ఈవెంట్ జనవరి 11, 12 తేదీల్లో నిర్వహిస్తున్నారు. దీంట్లో అజిత్ కూడా పార్టిసిపేట్ చేస్తున్నారు. అందుకోసం ఆయన ఇవాళ మధ్యాహ్నం 12.45 గంటల సమయంలో రేసింగ్ ట్రాక్ పై ప్రాక్టీస్ సెషన్ లో పాల్గొన్నారు.
ఈ సందర్భంగా, ట్రాక్ పై అజిత్ కారు దూసుకుపోతుండగా, ఉన్నట్టుండి అదుపు తప్పింది. గోడను ఢీకొట్టి గిర్రున తిరుగుతూ నిలిచిపోయింది. ఈవెంట్ భద్రతా సిబ్బంది వెంటనే స్పందించి అజిత్ ను మరో వాహనంలో అక్కడ్నించి తరలించారు.
