Sachin Tendulkar: ఆఫ్ఘన్ కుర్రాళ్లు గెలుపును అల‌వాటుగా మార్చుకున్నారు: సచిన్ ప్రశంసలు
- త‌ప్ప‌క గెల‌వాల్సిన మ్యాచ్‌లో స‌త్తాచాటిన ఆఫ్ఘాన్
- ఇంగ్లండ్‌ను ఓడించి ఇంటికి పంపిన వైనం
- ఆఫ్ఘ‌నిస్థాన్ అద్భుత విజ‌యం ప‌ట్ల సర్వత్రా ప్రశంసలు
- తాజాగా ఆ జ‌ట్టును ప్ర‌శంస‌ల‌తో ముంచెత్తిన సచిన్
ఛాంపియ‌న్స్ ట్రోఫీలో భాగంగా ఇంగ్లండ్‌తో జ‌రిగిన మ్యాచ్‌లో ఆఫ్ఘ‌నిస్థాన్ సంచ‌ల‌న విజ‌యం న‌మోదు చేసింది. 8 పరుగుల తేడాతో ఇంగ్లీష్ జ‌ట్టును ఓడించింది. ఒకానొక ద‌శ‌లో ఆఫ్ఘాన్ ఓడిపోతుంద‌నే అనిపించింది. కానీ, చివ‌రి రెండు ఓవ‌ర్ల‌లో ఆ జ‌ట్టు బౌల‌ర్లు క‌ట్టుదిట్టంగా బౌలింగ్ చేసి ఇంగ్లండ్ వికెట్లు ప‌డ‌గొట్ట‌డంతో మ్యాచ్ స్వరూపమే మారిపోయింది. టోర్నీలో నిల‌వాలంటే త‌ప్ప‌క గెల‌వాల్సిన మ్యాచ్‌లో ఆఫ్ఘన్ ఆటగాళ్లు అద్భుత ప్రదర్శన కనబరిచారు.
ఈ ప‌రాజ‌యంతో ఇంగ్లండ్ టోర్నీ నుంచి నిష్క్రమించింది. 326 పరుగుల ల‌క్ష్యాన్ని ఛేదించే క్ర‌మంలో ఆ జ‌ట్టు 317 ప‌రుగుల‌కు ఆలౌట్ అయింది. ఇంగ్లండ్ బ్యాట‌ర్ల‌లో జో రూట్ సెంచ‌రీ (120)తో రాణించినా ఫ‌లితం లేకుండా పోయింది. ఇక ఆఫ్ఘ‌నిస్థాన్ సాధించిన ఈ అద్భుత విజ‌యం ప‌ట్ల సర్వత్రా ప్రశంసలు కురుస్తున్నాయి. గ‌త కొంత‌కాలంగా ఆ జ‌ట్టు నాణ్య‌మైన క్రికెట్ ఆడుతోంద‌ని ప‌లువురు మెచ్చుకుంటున్నారు.
తాజాగా మాస్ట‌ర్ బ్లాస్ట‌ర్‌ సచిన్ టెండూల్క‌ర్‌ కూడా ఆఫ్ఘ‌నిస్థాన్‌ను ప్ర‌శంస‌ల‌తో ముంచెత్తాడు. ఇది ఆఫ్ఘాన్‌కు అనుకోకుండా ద‌క్కిన విజ‌యం కాద‌ని, వారు అల‌వాటు చేసుకున్న విజయమని ఆ జ‌ట్టును కొనియాడాడు. ఈ మేర‌కు సచిన్ 'ఎక్స్' (ట్విట్ట‌ర్‌) వేదిక‌గా పోస్ట్ పెట్టాడు.
అంత‌ర్జాతీయ క్రికెట్‌లో ఆ జ‌ట్టు ఎదుగుతున్న తీరు స్ఫూర్తిదాయ‌క‌మ‌ని పేర్కొన్నాడు. వారు అనుకోకుండా గెలిచార‌ని ఇక‌పై ఎవ‌రూ భావించొద్ద‌న్నాడు. ఆఫ్ఘన్ కుర్రాళ్లు గెలుపుల‌ను అల‌వాటుగా మార్చుకున్నార‌ని తెలిపాడు. ఈ మ్యాచ్‌లో భారీ సెంచ‌రీ చేసిన ఇబ్ర‌హీం జ‌ద్రాన్‌, 5 వికెట్లతో స‌త్తా చాటిన ఒమ‌ర్జాయ్‌ని ఆయన ప్ర‌త్యేకంగా అభినందించాడు. ఆఫ్ఘనిస్థాన్‌కు మరో చిరస్మరణీయ విజయాన్ని అందించార‌ని, బాగా ఆడారంటూ సచిన్ మెచ్చుకున్నాడు.
ఈ ప‌రాజ‌యంతో ఇంగ్లండ్ టోర్నీ నుంచి నిష్క్రమించింది. 326 పరుగుల ల‌క్ష్యాన్ని ఛేదించే క్ర‌మంలో ఆ జ‌ట్టు 317 ప‌రుగుల‌కు ఆలౌట్ అయింది. ఇంగ్లండ్ బ్యాట‌ర్ల‌లో జో రూట్ సెంచ‌రీ (120)తో రాణించినా ఫ‌లితం లేకుండా పోయింది. ఇక ఆఫ్ఘ‌నిస్థాన్ సాధించిన ఈ అద్భుత విజ‌యం ప‌ట్ల సర్వత్రా ప్రశంసలు కురుస్తున్నాయి. గ‌త కొంత‌కాలంగా ఆ జ‌ట్టు నాణ్య‌మైన క్రికెట్ ఆడుతోంద‌ని ప‌లువురు మెచ్చుకుంటున్నారు.
తాజాగా మాస్ట‌ర్ బ్లాస్ట‌ర్‌ సచిన్ టెండూల్క‌ర్‌ కూడా ఆఫ్ఘ‌నిస్థాన్‌ను ప్ర‌శంస‌ల‌తో ముంచెత్తాడు. ఇది ఆఫ్ఘాన్‌కు అనుకోకుండా ద‌క్కిన విజ‌యం కాద‌ని, వారు అల‌వాటు చేసుకున్న విజయమని ఆ జ‌ట్టును కొనియాడాడు. ఈ మేర‌కు సచిన్ 'ఎక్స్' (ట్విట్ట‌ర్‌) వేదిక‌గా పోస్ట్ పెట్టాడు.
అంత‌ర్జాతీయ క్రికెట్‌లో ఆ జ‌ట్టు ఎదుగుతున్న తీరు స్ఫూర్తిదాయ‌క‌మ‌ని పేర్కొన్నాడు. వారు అనుకోకుండా గెలిచార‌ని ఇక‌పై ఎవ‌రూ భావించొద్ద‌న్నాడు. ఆఫ్ఘన్ కుర్రాళ్లు గెలుపుల‌ను అల‌వాటుగా మార్చుకున్నార‌ని తెలిపాడు. ఈ మ్యాచ్‌లో భారీ సెంచ‌రీ చేసిన ఇబ్ర‌హీం జ‌ద్రాన్‌, 5 వికెట్లతో స‌త్తా చాటిన ఒమ‌ర్జాయ్‌ని ఆయన ప్ర‌త్యేకంగా అభినందించాడు. ఆఫ్ఘనిస్థాన్‌కు మరో చిరస్మరణీయ విజయాన్ని అందించార‌ని, బాగా ఆడారంటూ సచిన్ మెచ్చుకున్నాడు.
