Naga Chaitanya: నాగ‌చైత‌న్య 24వ మూవీ.. ఇంట్రెస్టింగ్‌గా స్పెష‌ల్ వీడియో

ఇటీవ‌ల తండేల్‌తో టాలీవుడ్ యువ హీరో అక్కినేని నాగచైతన్య సూప‌ర్ హిట్ అందుకున్న విష‌యం తెలిసిందే. ప్రస్తుతం విరూపాక్ష ఫేం కార్తీక్ దండు దర్శకత్వంలో ఓ సినిమా చేస్తున్నారు. ఈ సినిమా మైథలాజికల్ థ్రిల్లర్ గా ఉండనుంది. ఇది చైతూకు 24వ మూవీ (ఎన్‌సీ24). ఇప్ప‌టివ‌రకు తెలుగు తెర‌పై చూడ‌ని స‌రికొత్త మైథ‌లాజిక‌ల్ థ్రిల్ల‌ర్ క‌థాంశంతో ద‌ర్శ‌కుడు దీన్ని తీర్చిదిద్దుతున్న‌ట్లు తెలుస్తోంది. 

ఇక‌, ఇప్పటికే విడుదలైన మూవీ ప్రీలుక్ పోస్టర్ ఆకట్టుకుంది. తాజాగా ఈ చిత్రానికి సంబంధించిన ఓ స్పెష‌ల్ వీడియోను మేక‌ర్స్ విడుద‌ల చేశారు. ఇందులో ఈ సినిమా కోసం వేసిన ప్ర‌త్యేక సెట్స్‌, నాగ‌చైత‌న్య లుక్‌, ఇత‌ర విష‌యాల‌ను చూపించారు. ఆస‌క్తిక‌ర ఎలిమెంట్స్‌తో తీర్చిదిద్దిన వీడియో సినిమాపై అంచ‌నాలను పెంచింది. అజనీష్ లోక్‌నాథ్ సంగీతం అందిస్తున్న ఈ మూవీని శ్రీ వెంకటేశ్వర సినీ చిత్ర, సుకుమార్ రైటింగ్స్ బ్యాన‌ర్లు సంయుక్తంగా నిర్మిస్తున్నాయి.