Chandrababu Naidu: మూడేళ్ల తర్వాత అమరావతి సిటీ ప్రారంభోత్సవానికి ప్రధాని మోదీ మళ్లీ రావాలి: చంద్రబాబు
- అమరావతి పునర్ నిర్మాణ పనుల ప్రారంభోత్సవ సభ
- చంద్రబాబు ప్రసంగం
- మోదీ సహకారంతో అమరావతిని ప్రపంచం గర్వించేలా నిర్మిస్తామని ధీమా
- ఇది మా రాజధాని అని గర్వంగా చెప్పుకునేలా తీర్చిదిద్దుతామని వెల్లడి
ఆంధ్రప్రదేశ్ రాజధాని అమరావతి పునర్ నిర్మాణ పనుల ప్రారంభోత్సవంలో ముఖ్యమంత్రి చంద్రబాబు ప్రసంగించారు. ప్రధాని నరేంద్ర మోదీ సంపూర్ణ సహకారంతో అమరావతిని ప్రపంచం గర్వించేలా నిర్మిస్తామని, ఐదు కోట్ల ఆంధ్రుల ఆశలు, ఆకాంక్షలకు ప్రతిరూపంగా నిలుపుతామని ధీమా వ్యక్తం చేశారు.
2024 సార్వత్రిక ఎన్నికల్లో టీడీపీ, జనసేన, బీజేపీ కూటమి 94 శాతం స్ట్రయిక్ రేట్‌తో చరిత్రాత్మక విజయం సాధించిందని చంద్రబాబు గుర్తుచేశారు. తాము అధికారంలోకి వచ్చేనాటికి రాష్ట్ర ఆర్థిక వ్యవస్థ వెంటిలేటర్‌పై ఉందని, ప్రధాని మోదీ అండతో దానిని తిరిగి గాడిలో పెడుతున్నామని తెలిపారు. కేంద్ర ప్రభుత్వ సహకారంతో రాష్ట్రాన్ని అభివృద్ధి పథంలో నడిపిస్తామని హామీ ఇచ్చారు. గత ఐదేళ్ల వైఎస్‌ఆర్‌సీపీ పాలనలో జరిగిన విధ్వంసం నుంచి రాష్ట్రాన్ని ఇప్పుడిప్పుడే బయటకు తీసుకొస్తున్నామని అన్నారు.
అమరావతి కేవలం ఒక నగరం కాదని, అది ఐదు కోట్ల ఆంధ్రుల సెంటిమెంట్ అని ముఖ్యమంత్రి ఉద్ఘాటించారు. రాజధాని నిర్మాణం కోసం నాడు 29 వేల మంది రైతులు తమ భవిష్యత్తును త్యాగం చేసి 34 వేల ఎకరాల భూమిని స్వచ్ఛందంగా ప్రభుత్వానికి అప్పగించారని గుర్తుచేశారు. చారిత్రకంగా అమరలింగేశ్వర స్వామి, కృష్ణానది, బౌద్ధారామాలకు నిలయమైన అమరావతి అని పేర్కొన్నారు. గత ప్రభుత్వ హయాంలో అమరావతి రైతులు చెప్పలేని కష్టనష్టాలు అనుభవించారని, వారి పోరాటం, త్యాగం మరువలేనిదని అన్నారు. అమరావతి ఉద్యమం లాంటి దాన్ని తన జీవితంలో చూడలేదని కొనియాడారు. 2024 ఎన్నికల్లో ప్రజలు ఇచ్చిన ఏకపక్ష తీర్పుతో అమరావతికి మళ్లీ ప్రాణం పోశారని వ్యాఖ్యానించారు.
ప్రధాని నరేంద్ర మోదీ చేతుల మీదుగా రాజధాని పునర్ నిర్మాణ పనులను ప్రారంభించుకోవడం ఆంధ్రప్రదేశ్ చరిత్రలో సువర్ణ అక్షరాలతో లిఖించదగిన రోజని చంద్రబాబు అభివర్ణించారు. ఐదు కోట్ల మంది ప్రజలు గర్వంగా ‘ఇది మా రాజధాని’ అని చెప్పుకునేలా అమరావతిని తీర్చిదిద్దుతామని స్పష్టం చేశారు. విద్య, వైద్య రంగాలకు కేంద్రంగా, ప్రపంచంలోని అన్ని ప్రధాన నగరాలతో అనుసంధానమై ఉండేలా, గ్రీన్ ఎనర్జీతో కాలుష్య రహిత నగరంగా అమరావతిని అభివృద్ధి చేస్తామని వివరించారు. అమరావతిలో సుమారు 5 లక్షల మంది విద్యార్థులు చదువుకునేలా విద్యాసంస్థలను ఏర్పాటు చేస్తామన్నారు.
గతంలో హైదరాబాద్‌లో హైటెక్ సిటీని స్థాపించి ఐటీ విప్లవానికి నాంది పలికామని, దానిని నాటి ప్రధాని అటల్ బిహారీ వాజ్‌పేయి ప్రారంభించారని చంద్రబాబు గుర్తు చేసుకున్నారు. అదే స్ఫూర్తితో అమరావతిలో క్వాంటం వ్యాలీని ఏర్పాటు చేయనున్నట్లు ప్రకటించారు. ఇందుకు సంబంధించి ఐబీఎం, టీసీఎస్, ఎల్ అండ్ టీ వంటి దిగ్గజ సంస్థలతో కీలక ఒప్పందాలు (ఎంవోయూలు) కుదుర్చుకున్నట్లు వెల్లడించారు. ప్రధాని మోదీ నాయకత్వంలో ఏఐ (కృత్రిమ మేధ) రంగంలోనూ ఏపీ దూసుకుపోతుందని ఆశాభావం వ్యక్తం చేశారు.
మూడేళ్ల తర్వాత అమరావతి నగరం పూర్తిస్థాయిలో రూపుదిద్దుకున్నాక, మళ్లీ ప్రారంభోత్సవానికి ప్రధాని మోదీ రావాలని చంద్రబాబు ఆకాంక్షించారు. అమరావతి అభివృద్ధికి మోదీ అందిస్తున్న సహకారం చిరస్థాయిగా నిలిచిపోతుందని, ఆయన ఆశీస్సులు తమకు ఎల్లప్పుడూ ఉండాలని కోరారు. కేవలం అమరావతే కాకుండా, రాష్ట్రంలోని అన్ని 26 జిల్లాలను సమానంగా అభివృద్ధి చేస్తామని ముఖ్యమంత్రి చంద్రబాబు నాయుడు పునరుద్ఘాటించారు.
ఇవాళ అమరావతికి వర్ష సూచన ఉందన్నారని, కానీ వర్షం రాకుండా దేవతలు మొత్తం ఆశీర్వదించారని చంద్రబాబు సంతోషంగా చెప్పారు. ప్రధాని మోదీ కూడా ఒక మాట అన్నారని, తన 25 ఏళ్ల రాజకీయ జీవితంలో ఏ సభ కూడా ప్రతికూల వాతావరణం కారణంగా రద్దవలేదని, ఇవాళ అమరావతి సభ కూడా సక్సెస్ అయి తీరుతుందని చెప్పారని చంద్రబాబు వివరించారు.
అమరావతి కోసం సమగ్ర ప్రణాళిక
ఆంధ్రప్రదేశ్‌ను స్వర్ణాంధ్రగా మార్చే లక్ష్యంతో రాష్ట్ర ప్రభుత్వం ఒక సమగ్ర అభివృద్ధి ప్రణాళికను సిద్ధం చేసింది. అమరావతిని ప్రపంచ స్థాయి రాజధానిగా నిర్మించడంతో పాటు, విశాఖపట్నం, రాయలసీమ సహా అన్ని ప్రాంతాల సమగ్రాభివృద్ధికి కట్టుబడి ఉన్నామని ప్రభుత్వ వర్గాలు స్పష్టం చేస్తున్నాయి. కేంద్ర ప్రభుత్వ సహకారంతో ఈ లక్ష్యాలను సాధించాలనే దృఢ సంకల్పంతో ప్రభుత్వం ముందుకు సాగుతోంది.
అమరావతి - పరిపాలన, పర్యావరణ హిత నగరం
అమరావతిని కేవలం పరిపాలనా కేంద్రంగానే కాకుండా, ఆధునిక వసతులు, పర్యావరణ హితమైన 'బ్లూ అండ్ గ్రీన్ సిటీ'గా తీర్చిదిద్దనున్నారు. ప్రపంచ స్థాయి మౌలిక సదుపాయాలు, ఇన్నర్, ఔటర్ రింగ్ రోడ్లు, గ్రీన్ ఎనర్జీ వినియోగంపై దృష్టి సారించనున్నారు. ప్రముఖ విద్యా, ఆరోగ్య సంస్థల ఏర్పాటు ద్వారా నగరాన్ని కీలక కేంద్రంగా మార్చాలనేది ప్రభుత్వ ఆలోచన.
విశాఖ - ఆర్థిక, విజ్ఞాన కేంద్రం
రాష్ట్ర ఆర్థిక రాజధానిగా, నాలెడ్జ్ హబ్‌గా విశాఖను అభివృద్ధి చేసేందుకు ప్రణాళికలు రూపుదిద్దుకుంటున్నాయి. భోగాపురం ఎయిర్‌పోర్టు పనులను వేగవంతం చేయడం, ఐటీ కంపెనీలను ఆకర్షించడం, భారీ పారిశ్రామిక పెట్టుబడులను తీసుకురావడం ద్వారా విశాఖ అభివృద్ధికి ఊతమివ్వనున్నారు. విశాఖ స్టీల్ ప్లాంట్‌కు కేంద్రం ప్రకటించిన ప్యాకేజీ సానుకూల పరిణామం.
రాయలసీమపై ప్రత్యేక దృష్టి
చారిత్రకంగా వెనుకబడిన రాయలసీమ అభివృద్ధికి ప్రభుత్వం అధిక ప్రాధాన్యతనిస్తోంది. కర్నూలులో హైకోర్టు బెంచ్ ఏర్పాటు, కీలక పారిశ్రామిక కారిడార్లు, రక్షణ, ఇంధన రంగాల్లో ప్రాజెక్టుల ఏర్పాటుకు కేంద్ర సహకారం కోరుతున్నారు. తిరుపతిని అతిపెద్ద ఆధ్యాత్మిక కేంద్రంగా అభివృద్ధి చేసే ప్రణాళికలున్నాయి.
సమగ్ర లక్ష్యాలు
కేవలం ప్రధాన నగరాలే కాకుండా, రాష్ట్రంలోని 26 జిల్లాలను సమానంగా అభివృద్ధి చేయాలనేది ప్రభుత్వ విధానం. 2027 నాటికి పోలవరం ప్రాజెక్టును పూర్తి చేసి, నదుల అనుసంధానం ద్వారా సాగునీటి సమస్యను పరిష్కరించడం ప్రధాన లక్ష్యాల్లో ఒకటి. కేంద్ర ప్రభుత్వ సహకారంతో, ప్రణాళికాబద్ధమైన కృషితో స్వర్ణాంధ్ర లక్ష్యాన్ని చేరుకుంటాం... అని చంద్రబాబు వివరించారు.
2024 సార్వత్రిక ఎన్నికల్లో టీడీపీ, జనసేన, బీజేపీ కూటమి 94 శాతం స్ట్రయిక్ రేట్‌తో చరిత్రాత్మక విజయం సాధించిందని చంద్రబాబు గుర్తుచేశారు. తాము అధికారంలోకి వచ్చేనాటికి రాష్ట్ర ఆర్థిక వ్యవస్థ వెంటిలేటర్‌పై ఉందని, ప్రధాని మోదీ అండతో దానిని తిరిగి గాడిలో పెడుతున్నామని తెలిపారు. కేంద్ర ప్రభుత్వ సహకారంతో రాష్ట్రాన్ని అభివృద్ధి పథంలో నడిపిస్తామని హామీ ఇచ్చారు. గత ఐదేళ్ల వైఎస్‌ఆర్‌సీపీ పాలనలో జరిగిన విధ్వంసం నుంచి రాష్ట్రాన్ని ఇప్పుడిప్పుడే బయటకు తీసుకొస్తున్నామని అన్నారు.
అమరావతి కేవలం ఒక నగరం కాదని, అది ఐదు కోట్ల ఆంధ్రుల సెంటిమెంట్ అని ముఖ్యమంత్రి ఉద్ఘాటించారు. రాజధాని నిర్మాణం కోసం నాడు 29 వేల మంది రైతులు తమ భవిష్యత్తును త్యాగం చేసి 34 వేల ఎకరాల భూమిని స్వచ్ఛందంగా ప్రభుత్వానికి అప్పగించారని గుర్తుచేశారు. చారిత్రకంగా అమరలింగేశ్వర స్వామి, కృష్ణానది, బౌద్ధారామాలకు నిలయమైన అమరావతి అని పేర్కొన్నారు. గత ప్రభుత్వ హయాంలో అమరావతి రైతులు చెప్పలేని కష్టనష్టాలు అనుభవించారని, వారి పోరాటం, త్యాగం మరువలేనిదని అన్నారు. అమరావతి ఉద్యమం లాంటి దాన్ని తన జీవితంలో చూడలేదని కొనియాడారు. 2024 ఎన్నికల్లో ప్రజలు ఇచ్చిన ఏకపక్ష తీర్పుతో అమరావతికి మళ్లీ ప్రాణం పోశారని వ్యాఖ్యానించారు.
ప్రధాని నరేంద్ర మోదీ చేతుల మీదుగా రాజధాని పునర్ నిర్మాణ పనులను ప్రారంభించుకోవడం ఆంధ్రప్రదేశ్ చరిత్రలో సువర్ణ అక్షరాలతో లిఖించదగిన రోజని చంద్రబాబు అభివర్ణించారు. ఐదు కోట్ల మంది ప్రజలు గర్వంగా ‘ఇది మా రాజధాని’ అని చెప్పుకునేలా అమరావతిని తీర్చిదిద్దుతామని స్పష్టం చేశారు. విద్య, వైద్య రంగాలకు కేంద్రంగా, ప్రపంచంలోని అన్ని ప్రధాన నగరాలతో అనుసంధానమై ఉండేలా, గ్రీన్ ఎనర్జీతో కాలుష్య రహిత నగరంగా అమరావతిని అభివృద్ధి చేస్తామని వివరించారు. అమరావతిలో సుమారు 5 లక్షల మంది విద్యార్థులు చదువుకునేలా విద్యాసంస్థలను ఏర్పాటు చేస్తామన్నారు.
గతంలో హైదరాబాద్‌లో హైటెక్ సిటీని స్థాపించి ఐటీ విప్లవానికి నాంది పలికామని, దానిని నాటి ప్రధాని అటల్ బిహారీ వాజ్‌పేయి ప్రారంభించారని చంద్రబాబు గుర్తు చేసుకున్నారు. అదే స్ఫూర్తితో అమరావతిలో క్వాంటం వ్యాలీని ఏర్పాటు చేయనున్నట్లు ప్రకటించారు. ఇందుకు సంబంధించి ఐబీఎం, టీసీఎస్, ఎల్ అండ్ టీ వంటి దిగ్గజ సంస్థలతో కీలక ఒప్పందాలు (ఎంవోయూలు) కుదుర్చుకున్నట్లు వెల్లడించారు. ప్రధాని మోదీ నాయకత్వంలో ఏఐ (కృత్రిమ మేధ) రంగంలోనూ ఏపీ దూసుకుపోతుందని ఆశాభావం వ్యక్తం చేశారు.
మూడేళ్ల తర్వాత అమరావతి నగరం పూర్తిస్థాయిలో రూపుదిద్దుకున్నాక, మళ్లీ ప్రారంభోత్సవానికి ప్రధాని మోదీ రావాలని చంద్రబాబు ఆకాంక్షించారు. అమరావతి అభివృద్ధికి మోదీ అందిస్తున్న సహకారం చిరస్థాయిగా నిలిచిపోతుందని, ఆయన ఆశీస్సులు తమకు ఎల్లప్పుడూ ఉండాలని కోరారు. కేవలం అమరావతే కాకుండా, రాష్ట్రంలోని అన్ని 26 జిల్లాలను సమానంగా అభివృద్ధి చేస్తామని ముఖ్యమంత్రి చంద్రబాబు నాయుడు పునరుద్ఘాటించారు.
ఇవాళ అమరావతికి వర్ష సూచన ఉందన్నారని, కానీ వర్షం రాకుండా దేవతలు మొత్తం ఆశీర్వదించారని చంద్రబాబు సంతోషంగా చెప్పారు. ప్రధాని మోదీ కూడా ఒక మాట అన్నారని, తన 25 ఏళ్ల రాజకీయ జీవితంలో ఏ సభ కూడా ప్రతికూల వాతావరణం కారణంగా రద్దవలేదని, ఇవాళ అమరావతి సభ కూడా సక్సెస్ అయి తీరుతుందని చెప్పారని చంద్రబాబు వివరించారు.
అమరావతి కోసం సమగ్ర ప్రణాళిక
ఆంధ్రప్రదేశ్‌ను స్వర్ణాంధ్రగా మార్చే లక్ష్యంతో రాష్ట్ర ప్రభుత్వం ఒక సమగ్ర అభివృద్ధి ప్రణాళికను సిద్ధం చేసింది. అమరావతిని ప్రపంచ స్థాయి రాజధానిగా నిర్మించడంతో పాటు, విశాఖపట్నం, రాయలసీమ సహా అన్ని ప్రాంతాల సమగ్రాభివృద్ధికి కట్టుబడి ఉన్నామని ప్రభుత్వ వర్గాలు స్పష్టం చేస్తున్నాయి. కేంద్ర ప్రభుత్వ సహకారంతో ఈ లక్ష్యాలను సాధించాలనే దృఢ సంకల్పంతో ప్రభుత్వం ముందుకు సాగుతోంది.
అమరావతి - పరిపాలన, పర్యావరణ హిత నగరం
అమరావతిని కేవలం పరిపాలనా కేంద్రంగానే కాకుండా, ఆధునిక వసతులు, పర్యావరణ హితమైన 'బ్లూ అండ్ గ్రీన్ సిటీ'గా తీర్చిదిద్దనున్నారు. ప్రపంచ స్థాయి మౌలిక సదుపాయాలు, ఇన్నర్, ఔటర్ రింగ్ రోడ్లు, గ్రీన్ ఎనర్జీ వినియోగంపై దృష్టి సారించనున్నారు. ప్రముఖ విద్యా, ఆరోగ్య సంస్థల ఏర్పాటు ద్వారా నగరాన్ని కీలక కేంద్రంగా మార్చాలనేది ప్రభుత్వ ఆలోచన.
విశాఖ - ఆర్థిక, విజ్ఞాన కేంద్రం
రాష్ట్ర ఆర్థిక రాజధానిగా, నాలెడ్జ్ హబ్‌గా విశాఖను అభివృద్ధి చేసేందుకు ప్రణాళికలు రూపుదిద్దుకుంటున్నాయి. భోగాపురం ఎయిర్‌పోర్టు పనులను వేగవంతం చేయడం, ఐటీ కంపెనీలను ఆకర్షించడం, భారీ పారిశ్రామిక పెట్టుబడులను తీసుకురావడం ద్వారా విశాఖ అభివృద్ధికి ఊతమివ్వనున్నారు. విశాఖ స్టీల్ ప్లాంట్‌కు కేంద్రం ప్రకటించిన ప్యాకేజీ సానుకూల పరిణామం.
రాయలసీమపై ప్రత్యేక దృష్టి
చారిత్రకంగా వెనుకబడిన రాయలసీమ అభివృద్ధికి ప్రభుత్వం అధిక ప్రాధాన్యతనిస్తోంది. కర్నూలులో హైకోర్టు బెంచ్ ఏర్పాటు, కీలక పారిశ్రామిక కారిడార్లు, రక్షణ, ఇంధన రంగాల్లో ప్రాజెక్టుల ఏర్పాటుకు కేంద్ర సహకారం కోరుతున్నారు. తిరుపతిని అతిపెద్ద ఆధ్యాత్మిక కేంద్రంగా అభివృద్ధి చేసే ప్రణాళికలున్నాయి.
సమగ్ర లక్ష్యాలు
కేవలం ప్రధాన నగరాలే కాకుండా, రాష్ట్రంలోని 26 జిల్లాలను సమానంగా అభివృద్ధి చేయాలనేది ప్రభుత్వ విధానం. 2027 నాటికి పోలవరం ప్రాజెక్టును పూర్తి చేసి, నదుల అనుసంధానం ద్వారా సాగునీటి సమస్యను పరిష్కరించడం ప్రధాన లక్ష్యాల్లో ఒకటి. కేంద్ర ప్రభుత్వ సహకారంతో, ప్రణాళికాబద్ధమైన కృషితో స్వర్ణాంధ్ర లక్ష్యాన్ని చేరుకుంటాం... అని చంద్రబాబు వివరించారు.
