Laya: డబ్బుంటే ఇండియానే బెటర్.. హైదరాబాద్ ముందు న్యూయార్క్ దిగదుడుపే: నటి లయ
- హైదరాబాద్ అభివృద్ధి అద్భుతం.. న్యూయార్క్ కూడా సరిపోదన్న లయ
- తగినంత ఆర్థిక స్థోమత ఉంటే ఇండియాలో జీవనానికే ప్రాధాన్యం
- అమెరికాలో భారతీయ ఆహారం, పానీపూరి, నిమ్మకాయ సోడా మిస్ అవుతానని వెల్లడి
- ఆర్థికంగా సౌకర్యంగా ఉన్నా... చురుకైన కెరీర్ సంతృప్తినిస్తుందని అభిప్రాయం
ఒకప్పటి ప్రముఖ సినీ నటి లయ, ప్రస్తుతం అమెరికాలో స్థిరపడినప్పటికీ, భారతదేశంపై, ముఖ్యంగా హైదరాబాద్ నగరంపై తనకున్న అభిమానాన్ని వ్యక్తం చేశారు. ఇటీవల ఓ ఇంటర్వ్యూలో మాట్లాడుతూ, హైదరాబాద్ అభివృద్ధిని చూసి తాను ఎంతగానో ముగ్ధురాలినయ్యానని, ఈ నగరం ముందు న్యూయార్క్ కూడా సరిపోదని ఆమె వ్యాఖ్యానించారు. మంచి జీవన ప్రమాణాలకు సరిపడా ఆర్థిక వనరులుంటే భారతదేశంలో ఉండటమే ఉత్తమమని ఆమె అభిప్రాయపడ్డారు.
ఈ సందర్భంగా లయ మాట్లాడుతూ, "ఈసారి ఇండియా వచ్చి హైదరాబాద్‌ను చూస్తే చాలా ఆశ్చర్యం వేసింది. నగరం ఎంతగా మారిపోయిందో! ఫ్లైఓవర్లు, ఆకాశహర్మ్యాలు చూస్తుంటే అద్భుతంగా అనిపిస్తోంది. మా లాస్ ఏంజిల్స్ డౌన్‌టౌన్‌లోని నాలుగైదు పాత భవనాలతో పోలిస్తే హైదరాబాద్ ఎంతో అభివృద్ధి చెందింది. ఒకరిని మించి ఒకరు మంచి కట్టడాలు నిర్మిస్తున్నారు. తగినంత డబ్బు ఉండి, మంచి జీవనశైలి గడపగలిగితే ఇండియా ఎప్పుడూ ఉత్తమమైన ప్రదేశం అనడంలో ఎలాంటి సందేహం లేదు" అని తెలిపారు. అమెరికాలో భారతీయ ఆహారాన్ని, ముఖ్యంగా స్ట్రీట్ ఫుడ్ అయిన పానీపూరి, నిమ్మకాయ సోడా వంటివాటిని తాను ఎంతగానో మిస్ అవుతానని ఆమె చెప్పుకొచ్చారు.
తన వృత్తి జీవితం గురించి ప్రస్తావిస్తూ, 2011లో ఐటీ ఇంజనీర్‌గా తన ప్రస్థానాన్ని ప్రారంభించానని లయ తెలిపారు. సత్యం కంపెనీలో జీఈ క్లయింట్ కోసం పనిచేశానని, ఆ తర్వాత నాలుగేళ్ల విరామం తీసుకుని 2017లో ఒక డ్యాన్స్ స్కూల్‌ను ప్రారంభించానని చెప్పారు. "డ్యాన్స్ స్కూల్ చాలా బాగా నడిచింది. వరుసగా పోటీలు, షోలతో బిజీగా ఉండేవాళ్లం. కానీ, కోవిడ్ కారణంగా పరిస్థితులు మారాయి. ఆన్‌లైన్ క్లాసులు నిర్వహించినప్పటికీ, గ్రూప్ డ్యాన్స్‌లకు అవసరమైన సమన్వయం కుదరడం కష్టంగా ఉండేది. దీంతో యూట్యూబ్‌లో డ్యాన్స్ వీడియోలు, ఆ తర్వాత షార్ట్స్, రీల్స్ చేయడం మొదలుపెట్టాం" అని ఆమె వివరించారు.
నటనకు దూరమైన తర్వాత, ముఖ్యంగా మంచి ఫామ్‌లో ఉన్నప్పుడే పెళ్లి చేసుకుని వెళ్లడం వల్ల కొంతకాలం ఖాళీగా అనిపించిందని లయ అంగీకరించారు. "ఇది చాలా పెద్ద మార్పు. సిద్ధపడి తీసుకున్న నిర్ణయమే అయినా, కొన్నిసార్లు 'ఇప్పుడు నేనేంటి? కేవలం గృహిణినా?' అనిపించేది. ఆర్థికంగా ఎంత సౌకర్యంగా ఉన్నా, ఏదో ఒక పని చేస్తూ చురుగ్గా ఉండటం, సమాజంలో మనకంటూ ఒక గుర్తింపు తెచ్చుకోవడం వల్ల కలిగే సంతృప్తి వేరు. డబ్బు సంపాదన కోసమే కాదు, యాక్టివ్‌గా, బిజీగా ఉండాలని, ప్రజల్లో ఒక మార్క్ సృష్టించాలని కోరుకుంటాను" అంటూ తన మనసులోని మాటను పంచుకున్నారు లయ.
ఈ సందర్భంగా లయ మాట్లాడుతూ, "ఈసారి ఇండియా వచ్చి హైదరాబాద్‌ను చూస్తే చాలా ఆశ్చర్యం వేసింది. నగరం ఎంతగా మారిపోయిందో! ఫ్లైఓవర్లు, ఆకాశహర్మ్యాలు చూస్తుంటే అద్భుతంగా అనిపిస్తోంది. మా లాస్ ఏంజిల్స్ డౌన్‌టౌన్‌లోని నాలుగైదు పాత భవనాలతో పోలిస్తే హైదరాబాద్ ఎంతో అభివృద్ధి చెందింది. ఒకరిని మించి ఒకరు మంచి కట్టడాలు నిర్మిస్తున్నారు. తగినంత డబ్బు ఉండి, మంచి జీవనశైలి గడపగలిగితే ఇండియా ఎప్పుడూ ఉత్తమమైన ప్రదేశం అనడంలో ఎలాంటి సందేహం లేదు" అని తెలిపారు. అమెరికాలో భారతీయ ఆహారాన్ని, ముఖ్యంగా స్ట్రీట్ ఫుడ్ అయిన పానీపూరి, నిమ్మకాయ సోడా వంటివాటిని తాను ఎంతగానో మిస్ అవుతానని ఆమె చెప్పుకొచ్చారు.
తన వృత్తి జీవితం గురించి ప్రస్తావిస్తూ, 2011లో ఐటీ ఇంజనీర్‌గా తన ప్రస్థానాన్ని ప్రారంభించానని లయ తెలిపారు. సత్యం కంపెనీలో జీఈ క్లయింట్ కోసం పనిచేశానని, ఆ తర్వాత నాలుగేళ్ల విరామం తీసుకుని 2017లో ఒక డ్యాన్స్ స్కూల్‌ను ప్రారంభించానని చెప్పారు. "డ్యాన్స్ స్కూల్ చాలా బాగా నడిచింది. వరుసగా పోటీలు, షోలతో బిజీగా ఉండేవాళ్లం. కానీ, కోవిడ్ కారణంగా పరిస్థితులు మారాయి. ఆన్‌లైన్ క్లాసులు నిర్వహించినప్పటికీ, గ్రూప్ డ్యాన్స్‌లకు అవసరమైన సమన్వయం కుదరడం కష్టంగా ఉండేది. దీంతో యూట్యూబ్‌లో డ్యాన్స్ వీడియోలు, ఆ తర్వాత షార్ట్స్, రీల్స్ చేయడం మొదలుపెట్టాం" అని ఆమె వివరించారు.
నటనకు దూరమైన తర్వాత, ముఖ్యంగా మంచి ఫామ్‌లో ఉన్నప్పుడే పెళ్లి చేసుకుని వెళ్లడం వల్ల కొంతకాలం ఖాళీగా అనిపించిందని లయ అంగీకరించారు. "ఇది చాలా పెద్ద మార్పు. సిద్ధపడి తీసుకున్న నిర్ణయమే అయినా, కొన్నిసార్లు 'ఇప్పుడు నేనేంటి? కేవలం గృహిణినా?' అనిపించేది. ఆర్థికంగా ఎంత సౌకర్యంగా ఉన్నా, ఏదో ఒక పని చేస్తూ చురుగ్గా ఉండటం, సమాజంలో మనకంటూ ఒక గుర్తింపు తెచ్చుకోవడం వల్ల కలిగే సంతృప్తి వేరు. డబ్బు సంపాదన కోసమే కాదు, యాక్టివ్‌గా, బిజీగా ఉండాలని, ప్రజల్లో ఒక మార్క్ సృష్టించాలని కోరుకుంటాను" అంటూ తన మనసులోని మాటను పంచుకున్నారు లయ.
