Deepika Kakkar: బాలీవుడ్ నటి దీపిక కకర్ కాలేయంలో టెన్నిస్ బాల్ సైజులో ట్యూమర్
- దీపిక కాలేయంలో ట్యూమర్ ఉందని వెల్లడించిన భర్త ఇబ్రహీం
- ట్యూమర్ ప్రాథమిక దశలో ఉందని వెల్లడి
- మరికొన్ని రిపోర్టులు రావాల్సి ఉందన్న ఇబ్రహీం
ప్రముఖ హిందీ టెలివిజన్ నటి దీపిక కకర్ అనారోగ్యంతో బాధపడుతున్నట్లు ఆమె భర్త, నటుడు షోయబ్ ఇబ్రహీం వెల్లడించారు. దీపిక కాలేయంలో టెన్నిస్ బంతి పరిమాణంలో కణితి (ట్యూమర్) ఉన్నట్లు వైద్యులు గుర్తించారని ఆయన తెలిపారు. ఈ వార్తతో వారి కుటుంబ సభ్యులతో పాటు అభిమానులు కూడా ఆందోళనకు గురవుతున్నారు.
కొంతకాలంగా దీపిక కడుపు నొప్పితో ఇబ్బంది పడుతున్నారని షోయబ్ తెలిపారు. "నేను ఛండీఘర్‌లో ఉన్న సమయంలో దీపికకు కడుపులో నొప్పి మొదలైంది. అసిడిటీ వల్ల వస్తుందేమో అని మొదట భావించాం. నొప్పి తగ్గకపోవడంతో ఫ్యామిలీ డాక్టర్‌ను సంప్రదించగా, ఆయన కొన్ని యాంటీబయాటిక్స్ ఇచ్చి, రక్త పరీక్షలు చేయించుకోమని సూచించారు"అని షోయబ్ వివరించారు.
మే 5వ తేదీ వరకు దీపిక యాంటీబయాటిక్స్ వాడారని, తాను ఇంటికి తిరిగి వచ్చాక ఆమె బాగానే ఉన్నారని షోయబ్ పేర్కొన్నారు. అయితే, తన తండ్రి పుట్టినరోజు వేడుకల తర్వాత దీపికకు మళ్లీ కడుపు నొప్పి తిరగబెట్టిందని, అదే సమయంలో రక్త పరీక్షల రిపోర్టులు కూడా వచ్చాయని తెలిపారు. ఆ రిపోర్టులలో ఆమె శరీరంలో ఇన్ఫెక్షన్ ఉన్నట్లు తేలిందని చెప్పారు.
దీంతో మరోసారి వైద్యుడిని సంప్రదించగా, సీటీ స్కాన్ చేయించుకోవాలని సూచించారని షోయబ్ అన్నారు. "సీటీ స్కాన్ రిపోర్టులో చాలా బాధాకరమైన విషయం తెలిసింది. ఆమె కాలేయంలో ఒక కణితి ఉన్నట్లు నిర్ధారణ అయింది. అది కూడా దాదాపు టెన్నిస్ బంతి సైజులో ఉంది. ఈ విషయం తెలిసి మేమంతా షాక్ అయ్యాం" అని షోయబ్ ఆవేదన వ్యక్తం చేశారు.
అయితే, ఆ కణితి ఇంకా ప్రాథమిక దశలోనే ఉందని వైద్యులు చెప్పడం కొంత ఊరటనిచ్చే విషయమని ఆయన అన్నారు. "ఇంకా కొన్ని వైద్య పరీక్షల రిపోర్టులు రావాల్సి ఉంది. ఆ రిపోర్టులు వచ్చిన తర్వాత వైద్యులు చికిత్స ప్రారంభిస్తారు" అని షోయబ్ తెలిపారు. వైద్యుల సూచన మేరకు దీపిక ఆస్పత్రిలో చేరనున్నారని, అక్కడ ఆమెకు అవసరమైన చికిత్స అందించనున్నారని సమాచారం. ఈ విషయం తెలిసిన అభిమానులు దీపిక త్వరగా కోలుకోవాలని ప్రార్థిస్తున్నారు.
కొంతకాలంగా దీపిక కడుపు నొప్పితో ఇబ్బంది పడుతున్నారని షోయబ్ తెలిపారు. "నేను ఛండీఘర్‌లో ఉన్న సమయంలో దీపికకు కడుపులో నొప్పి మొదలైంది. అసిడిటీ వల్ల వస్తుందేమో అని మొదట భావించాం. నొప్పి తగ్గకపోవడంతో ఫ్యామిలీ డాక్టర్‌ను సంప్రదించగా, ఆయన కొన్ని యాంటీబయాటిక్స్ ఇచ్చి, రక్త పరీక్షలు చేయించుకోమని సూచించారు"అని షోయబ్ వివరించారు.
మే 5వ తేదీ వరకు దీపిక యాంటీబయాటిక్స్ వాడారని, తాను ఇంటికి తిరిగి వచ్చాక ఆమె బాగానే ఉన్నారని షోయబ్ పేర్కొన్నారు. అయితే, తన తండ్రి పుట్టినరోజు వేడుకల తర్వాత దీపికకు మళ్లీ కడుపు నొప్పి తిరగబెట్టిందని, అదే సమయంలో రక్త పరీక్షల రిపోర్టులు కూడా వచ్చాయని తెలిపారు. ఆ రిపోర్టులలో ఆమె శరీరంలో ఇన్ఫెక్షన్ ఉన్నట్లు తేలిందని చెప్పారు.
దీంతో మరోసారి వైద్యుడిని సంప్రదించగా, సీటీ స్కాన్ చేయించుకోవాలని సూచించారని షోయబ్ అన్నారు. "సీటీ స్కాన్ రిపోర్టులో చాలా బాధాకరమైన విషయం తెలిసింది. ఆమె కాలేయంలో ఒక కణితి ఉన్నట్లు నిర్ధారణ అయింది. అది కూడా దాదాపు టెన్నిస్ బంతి సైజులో ఉంది. ఈ విషయం తెలిసి మేమంతా షాక్ అయ్యాం" అని షోయబ్ ఆవేదన వ్యక్తం చేశారు.
అయితే, ఆ కణితి ఇంకా ప్రాథమిక దశలోనే ఉందని వైద్యులు చెప్పడం కొంత ఊరటనిచ్చే విషయమని ఆయన అన్నారు. "ఇంకా కొన్ని వైద్య పరీక్షల రిపోర్టులు రావాల్సి ఉంది. ఆ రిపోర్టులు వచ్చిన తర్వాత వైద్యులు చికిత్స ప్రారంభిస్తారు" అని షోయబ్ తెలిపారు. వైద్యుల సూచన మేరకు దీపిక ఆస్పత్రిలో చేరనున్నారని, అక్కడ ఆమెకు అవసరమైన చికిత్స అందించనున్నారని సమాచారం. ఈ విషయం తెలిసిన అభిమానులు దీపిక త్వరగా కోలుకోవాలని ప్రార్థిస్తున్నారు.
