Manchu Vishnu: రక్తం పంచుకు పుట్టినవాళ్లే నా పతనం కోరుకుంటున్నారు... ప్రభాస్ కు రుణపడి ఉంటా: మంచు విష్ణు
- ప్రభాస్ తనకు అండగా నిలవడం గొప్ప విషయమన్న విష్ణు
- 'కన్నప్ప' సినిమా కోసం అందరూ కష్టపడ్డారని వెల్లడి
- తన తండ్రి ముఖంలో సంతోషం చూడటమే తనకు ముఖ్యమని వ్యాఖ్య
నటుడు మంచు విష్ణు ప్రతిష్ఠాత్మకంగా నిర్మిస్తున్న చిత్రం 'కన్నప్ప'. ఈ సినిమా జూన్ 27న ప్రేక్షకుల ముందుకు రానున్న నేపథ్యంలో, ప్రచార కార్యక్రమాలను వేగవంతం చేశారు. ఇందులో భాగంగా తాజాగా ఓ ఇంటర్వ్యూలో పాల్గొన్న విష్ణు, పలు ఆసక్తికర విషయాలతో పాటు కొన్ని సంచలన వ్యాఖ్యలు చేశారు. ముఖ్యంగా తన చిత్ర ప్రయాణంలో ఎదురైన ఇబ్బందులు, కొందరి ప్రవర్తన గురించి మాట్లాడుతూ, సొంతవాళ్లే తన పతనం కోరుకున్నారని ఆవేదన వ్యక్తం చేశారు. అదే సమయంలో, అడగ్గానే సాయం చేయడానికి ముందుకొచ్చిన ప్రభాస్‌కు జీవితాంతం రుణపడి ఉంటానని తెలిపారు.
ఈ సినిమా కోసం ప్రభాస్ చేసిన సహాయాన్ని విష్ణు ప్రత్యేకంగా ప్రస్తావించారు. "ఈ రోజుల్లో చిన్న స్థాయి నటులు కూడా సరిగ్గా పట్టించుకోరు, సాయం చేయరు. కానీ, అంత పెద్ద స్టార్ అయిన ప్రభాస్ ఎలాంటి గర్వం చూపించకుండా, అడగ్గానే వెంటనే 'కన్నప్ప'లో నటించేందుకు అంగీకరించారు. నా రక్తం పంచుకు పుట్టినవాళ్లే నా పతనం కోరుకుంటున్న ఈ తరుణంలో, ప్రభాస్ నాకు అండగా నిలవడం గొప్ప విషయం. అందుకే ఆయనంటే నాకు చాలా గౌరవం" అని విష్ణు భావోద్వేగంగా పేర్కొన్నారు.
'కన్నప్ప' చిత్రంలో ప్రభాస్‌తో పాటు మోహన్ లాల్, అక్షయ్ కుమార్, కాజల్ అగర్వాల్ వంటి ప్రముఖ తారలు కూడా కీలక పాత్రల్లో నటించారని విష్ణు వెల్లడించారు. వారందరూ తనపై ఉన్న అభిమానంతోనే ఈ చిత్రంలో భాగమయ్యారని, వారి సహకారాన్ని ఎప్పటికీ గుర్తుంచుకుంటానని చెప్పారు. సినిమా కోసం చిత్ర బృందంలోని ప్రతి ఒక్కరూ ఎంతో కష్టపడ్డారని, అద్భుతమైన పనితీరు కనబరిచారని ప్రశంసించారు.
మరోవైపు, 'కన్నప్ప' సినిమాలో కొన్ని లోపాలు ఉన్నాయంటూ కొందరు సెన్సార్ బోర్డుకు ఫిర్యాదు లేఖలు రాశారని విష్ణు తెలిపారు. "అలాంటి వారిని చూస్తే నాకు నవ్వొస్తుంది. బహుశా వారికి చరిత్ర సరిగ్గా తెలిసి ఉండకపోవచ్చు. మేం ఎంతో పరిశోధన చేసి, చాలా మంది అర్చకులకు సినిమా చూపించి, వారి ఆమోదం పొందిన తర్వాతే తుది నిర్ణయం తీసుకున్నాం. అందరూ సినిమా చాలా బాగుందన్నారు" అని విష్ణు వివరించారు.
తన తండ్రి మోహన్ బాబు ముఖంలో సంతోషం చూడటమే తనకు అన్నింటికన్నా ముఖ్యమని విష్ణు అన్నారు. ఆయన కోసమే ఈ సినిమాలో చాలా విషయాలను జాగ్రత్తగా చూసుకున్నానని... తన సినిమా విషయంలో ఆయన చాలా సంతోషంగా ఉన్నారని తెలిపారు.
ఈ సినిమా కోసం ప్రభాస్ చేసిన సహాయాన్ని విష్ణు ప్రత్యేకంగా ప్రస్తావించారు. "ఈ రోజుల్లో చిన్న స్థాయి నటులు కూడా సరిగ్గా పట్టించుకోరు, సాయం చేయరు. కానీ, అంత పెద్ద స్టార్ అయిన ప్రభాస్ ఎలాంటి గర్వం చూపించకుండా, అడగ్గానే వెంటనే 'కన్నప్ప'లో నటించేందుకు అంగీకరించారు. నా రక్తం పంచుకు పుట్టినవాళ్లే నా పతనం కోరుకుంటున్న ఈ తరుణంలో, ప్రభాస్ నాకు అండగా నిలవడం గొప్ప విషయం. అందుకే ఆయనంటే నాకు చాలా గౌరవం" అని విష్ణు భావోద్వేగంగా పేర్కొన్నారు.
'కన్నప్ప' చిత్రంలో ప్రభాస్‌తో పాటు మోహన్ లాల్, అక్షయ్ కుమార్, కాజల్ అగర్వాల్ వంటి ప్రముఖ తారలు కూడా కీలక పాత్రల్లో నటించారని విష్ణు వెల్లడించారు. వారందరూ తనపై ఉన్న అభిమానంతోనే ఈ చిత్రంలో భాగమయ్యారని, వారి సహకారాన్ని ఎప్పటికీ గుర్తుంచుకుంటానని చెప్పారు. సినిమా కోసం చిత్ర బృందంలోని ప్రతి ఒక్కరూ ఎంతో కష్టపడ్డారని, అద్భుతమైన పనితీరు కనబరిచారని ప్రశంసించారు.
మరోవైపు, 'కన్నప్ప' సినిమాలో కొన్ని లోపాలు ఉన్నాయంటూ కొందరు సెన్సార్ బోర్డుకు ఫిర్యాదు లేఖలు రాశారని విష్ణు తెలిపారు. "అలాంటి వారిని చూస్తే నాకు నవ్వొస్తుంది. బహుశా వారికి చరిత్ర సరిగ్గా తెలిసి ఉండకపోవచ్చు. మేం ఎంతో పరిశోధన చేసి, చాలా మంది అర్చకులకు సినిమా చూపించి, వారి ఆమోదం పొందిన తర్వాతే తుది నిర్ణయం తీసుకున్నాం. అందరూ సినిమా చాలా బాగుందన్నారు" అని విష్ణు వివరించారు.
తన తండ్రి మోహన్ బాబు ముఖంలో సంతోషం చూడటమే తనకు అన్నింటికన్నా ముఖ్యమని విష్ణు అన్నారు. ఆయన కోసమే ఈ సినిమాలో చాలా విషయాలను జాగ్రత్తగా చూసుకున్నానని... తన సినిమా విషయంలో ఆయన చాలా సంతోషంగా ఉన్నారని తెలిపారు.
