Sirivennela Seetharama Sastry: ఆ దేవుడితోనే స్నేహం చేసిన వ్యక్తి ఆయన: త్రివిక్రమ్ శ్రీనివాస్
- సిరివెన్నెలతో అనుబంధాన్ని పంచుకున్న దర్శకుడు త్రివిక్రమ్
- ‘నా ఉచ్ఛ్వాసం కవనం’ చివరి ఎపిసోడ్‌లో ఆసక్తికర వ్యాఖ్యలు
- మాటల కంటే పాటలు రాయడమే కష్టమన్న మాటల మాంత్రికుడు
- సిరివెన్నెల ఓ పెద్ద నాస్తికుడని వెల్లడి
- ‘జల్సా’లోని ‘చలోరే చలోరే’ పాట కోసం 20 రోజులు చర్చించామన్న త్రివిక్రమ్
దివంగత సినీ గీత రచయిత సిరివెన్నెల సీతారామశాస్త్రితో తనకున్న ప్రత్యేక అనుబంధాన్ని, ఆయనతో గడిపిన మధుర క్షణాలను ప్రముఖ దర్శకుడు త్రివిక్రమ్ శ్రీనివాస్ గుర్తుచేసుకున్నారు. ‘నా ఉచ్ఛ్వాసం కవనం’ పేరుతో సిరివెన్నెల సాహిత్య వైభవాన్ని భావితరాలకు అందించే లక్ష్యంతో సాగిన ప్రత్యేక కార్యక్రమం చివరి ఎపిసోడ్‌కు ఆయన ముఖ్య అతిథిగా హాజరయ్యారు. ఈ సందర్భంగా సిరివెన్నెల పాటలు, ఆయన వ్యక్తిత్వం, ఆలోచనా విధానం గురించి త్రివిక్రమ్ పలు ఆసక్తికర విషయాలను పంచుకున్నారు.
పాటల రూపకల్పనలో సిరివెన్నెల నిబద్ధత
సినిమాలో మాటలు రాయడం కంటే పాటలు రాయడమే అత్యంత కష్టమైన పని అని త్రివిక్రమ్ అభిప్రాయపడ్డారు. దర్శకనిర్మాతలు ఒకలా ఆలోచిస్తే, సిరివెన్నెల అంతకు మించి లోతుగా ఆలోచించి, పాట ఎప్పటికీ నిలిచిపోయేలా రాయాలని తపించేవారని తెలిపారు. "‘పట్టుదల’ సినిమాలోని ‘ఎప్పుడూ ఒప్పుకోవద్దురా ఓటమి’ అనే పాట ఇప్పటికీ సినిమాతో సంబంధం లేకుండా ఆదరణ పొందుతోంది. అలాంటి గొప్ప సాహిత్యం ఆయన సొంతం" అని త్రివిక్రమ్ వివరించారు. ‘జల్సా’ సినిమాలోని ‘చలోరే చలోరే..’ పాట కోసం తాము దాదాపు 20 రోజులకు పైగా చర్చించుకున్నామని, చర్చలు ముగిసిన వెంటనే సిరివెన్నెల ఆ పాటను వేగంగా రాసిచ్చారని గుర్తుచేసుకున్నారు. "ఆ పాటను ఆయన ఏకంగా 34 పేజీలు రాశారు. కానీ మేం అందులో రెండు పేజీలు కూడా పూర్తిగా వాడుకోలేదు" అంటూ ఆయన రచనా పటిమను కొనియాడారు.
దేవుడితో స్నేహం చేసిన నాస్తికుడు
సిరివెన్నెల సీతారామశాస్త్రి ఎన్నో అద్భుతమైన భక్తిగీతాలు రాసినప్పటికీ, ఆయనొక అతిపెద్ద నాస్తికుడని త్రివిక్రమ్ ఆసక్తికరమైన విషయాన్ని వెల్లడించారు. "ఒకసారి నాకు, శాస్త్రి గారికి మధ్య దేవుడు ఉన్నాడా, లేడా అనే అంశంపై పెద్ద చర్చే జరిగింది. దేవుడు ఉంటే ఇన్ని అన్యాయాలు ఎందుకు జరుగుతున్నాయని నేను ప్రశ్నించాను. దానికి ఆయన, 'అనవసరమైన విషయాల్లోకి భగవంతుడిని లాగొద్దు' అని బదులిచ్చారు" అని త్రివిక్రమ్ నాటి సంభాషణను గుర్తుచేసుకున్నారు. దేవుడిని బాగా నమ్మిన తర్వాతే ఆయనతో స్నేహం చేసే స్థాయికి వెళతామని, సిరివెన్నెల కూడా దేవుడితో అలాగే స్నేహం చేశారని అభిప్రాయపడ్డారు. "ఆయన రాసిన ఎన్నో పాటల్లోని కొన్ని చరణాలు దేవుడితో గొడవ పెట్టుకున్నట్లుగా ఉంటాయి. మనమందరం గుడిలో క్యూలో నిలబడితే, ఆయన లాంటి వారు గర్భగుడి దాకా వెళ్లగలరు. ‘కృష్ణం వందే జగద్గురుమ్‌’ చిత్రంలో ఆయన రాసిన 'జరుగుతున్నదీ జగన్నాటకం' పాట నాకు చాలా ఇష్టం" అని త్రివిక్రమ్ తెలిపారు.
అందరికీ అందుబాటులో ఉండే శిఖరం సిరివెన్నెల
సిరివెన్నెల ఎలాంటి సన్నివేశానికైనా పాటలు రాయగలరని, అది చాలా కష్టమైన ప్రక్రియ అని త్రివిక్రమ్ అన్నారు. "సిరివెన్నెల రాసిన పాటల్లో సినిమాల్లో వాడనివి కనీసం రెండు, మూడు వేలు ఉండి ఉంటాయి. వాటిని ఎలాగైనా బయటకు తీసుకురావాలని ఆలోచిస్తున్నాను. అవి భవిష్యత్ రచయితలకు ఎంతో ఉపయోగపడతాయి. ఆయన ప్రతి పాటను రెండు విధాలుగా రాసేవారు, ఆ విషయం అందరూ తెలుసుకోవాలి" అని ఆయన సూచించారు.
భారతీయ సినిమాలో సంగీతానికి ఎంతో ప్రాముఖ్యత ఉంటుందని, ఏ భావన చెప్పాలన్నా సంగీతాన్నే ఆశ్రయిస్తామని త్రివిక్రమ్ పేర్కొన్నారు. సిరివెన్నెల ఎక్కువగా సిగరెట్లు తాగడంపై ఒకసారి వారి శ్రీమతి అడిగిన ప్రశ్నకు, "మనందరి మూర్ఖత్వాన్ని భరించడం కోసమే ఆయన అలా చేస్తున్నారు" అని తాను సమాధానమిచ్చినట్లు చెప్పారు. "సిరివెన్నెల మనకు సంతోషాన్ని అందించడం కోసం ఎంతో కష్టపడ్డారు. సాధారణంగా శిఖరాన్ని దూరం నుంచి చూస్తాం. కానీ, సిరివెన్నెల అనే శిఖరం అందరికీ అందుబాటులో ఉంటూ ఎంతో మందికి మార్గదర్శనం చేసింది. ఆయన ఏ పని చేసినా పరిపూర్ణంగా చేశారు" అంటూ త్రివిక్రమ్ కాస్త భావోద్వేగానికి గురయ్యారు.
తెలుగు సినిమా పాటకు కావ్య గౌరవాన్ని అందించి, సరికొత్త ఒరవడిని సృష్టించిన సిరివెన్నెల సీతారామశాస్త్రి సాహిత్య పరంపరను ముందుకు తీసుకెళ్లే ప్రయత్నంలో భాగంగా 52 ఆదివారాల పాటు సాగిన ‘నా ఉచ్ఛ్వాసం కవనం..!’ కార్యక్రమం ఈ ఎపిసోడ్‌తో ముగిసింది. ఈ కార్యక్రమంలో నాగార్జున, ప్రభాస్, తనికెళ్ల భరణి, మణిరత్నం, రాజమౌళి, కృష్ణవంశీ, క్రిష్ జాగర్లమూడి, రామజోగయ్య శాస్త్రి, చంద్రబోస్, ఆర్పీ పట్నాయక్ వంటి ఎందరో సినీ ప్రముఖులు పాల్గొని సిరివెన్నెలతో తమ అనుభవాలను పంచుకున్నారు. త్వరలోనే మరో సిరీస్‌తో ప్రేక్షకుల ముందుకు రానున్నట్లు కార్యక్రమ వ్యాఖ్యాత పార్థు నేమాని తెలిపారు.
పాటల రూపకల్పనలో సిరివెన్నెల నిబద్ధత
సినిమాలో మాటలు రాయడం కంటే పాటలు రాయడమే అత్యంత కష్టమైన పని అని త్రివిక్రమ్ అభిప్రాయపడ్డారు. దర్శకనిర్మాతలు ఒకలా ఆలోచిస్తే, సిరివెన్నెల అంతకు మించి లోతుగా ఆలోచించి, పాట ఎప్పటికీ నిలిచిపోయేలా రాయాలని తపించేవారని తెలిపారు. "‘పట్టుదల’ సినిమాలోని ‘ఎప్పుడూ ఒప్పుకోవద్దురా ఓటమి’ అనే పాట ఇప్పటికీ సినిమాతో సంబంధం లేకుండా ఆదరణ పొందుతోంది. అలాంటి గొప్ప సాహిత్యం ఆయన సొంతం" అని త్రివిక్రమ్ వివరించారు. ‘జల్సా’ సినిమాలోని ‘చలోరే చలోరే..’ పాట కోసం తాము దాదాపు 20 రోజులకు పైగా చర్చించుకున్నామని, చర్చలు ముగిసిన వెంటనే సిరివెన్నెల ఆ పాటను వేగంగా రాసిచ్చారని గుర్తుచేసుకున్నారు. "ఆ పాటను ఆయన ఏకంగా 34 పేజీలు రాశారు. కానీ మేం అందులో రెండు పేజీలు కూడా పూర్తిగా వాడుకోలేదు" అంటూ ఆయన రచనా పటిమను కొనియాడారు.
దేవుడితో స్నేహం చేసిన నాస్తికుడు
సిరివెన్నెల సీతారామశాస్త్రి ఎన్నో అద్భుతమైన భక్తిగీతాలు రాసినప్పటికీ, ఆయనొక అతిపెద్ద నాస్తికుడని త్రివిక్రమ్ ఆసక్తికరమైన విషయాన్ని వెల్లడించారు. "ఒకసారి నాకు, శాస్త్రి గారికి మధ్య దేవుడు ఉన్నాడా, లేడా అనే అంశంపై పెద్ద చర్చే జరిగింది. దేవుడు ఉంటే ఇన్ని అన్యాయాలు ఎందుకు జరుగుతున్నాయని నేను ప్రశ్నించాను. దానికి ఆయన, 'అనవసరమైన విషయాల్లోకి భగవంతుడిని లాగొద్దు' అని బదులిచ్చారు" అని త్రివిక్రమ్ నాటి సంభాషణను గుర్తుచేసుకున్నారు. దేవుడిని బాగా నమ్మిన తర్వాతే ఆయనతో స్నేహం చేసే స్థాయికి వెళతామని, సిరివెన్నెల కూడా దేవుడితో అలాగే స్నేహం చేశారని అభిప్రాయపడ్డారు. "ఆయన రాసిన ఎన్నో పాటల్లోని కొన్ని చరణాలు దేవుడితో గొడవ పెట్టుకున్నట్లుగా ఉంటాయి. మనమందరం గుడిలో క్యూలో నిలబడితే, ఆయన లాంటి వారు గర్భగుడి దాకా వెళ్లగలరు. ‘కృష్ణం వందే జగద్గురుమ్‌’ చిత్రంలో ఆయన రాసిన 'జరుగుతున్నదీ జగన్నాటకం' పాట నాకు చాలా ఇష్టం" అని త్రివిక్రమ్ తెలిపారు.
అందరికీ అందుబాటులో ఉండే శిఖరం సిరివెన్నెల
సిరివెన్నెల ఎలాంటి సన్నివేశానికైనా పాటలు రాయగలరని, అది చాలా కష్టమైన ప్రక్రియ అని త్రివిక్రమ్ అన్నారు. "సిరివెన్నెల రాసిన పాటల్లో సినిమాల్లో వాడనివి కనీసం రెండు, మూడు వేలు ఉండి ఉంటాయి. వాటిని ఎలాగైనా బయటకు తీసుకురావాలని ఆలోచిస్తున్నాను. అవి భవిష్యత్ రచయితలకు ఎంతో ఉపయోగపడతాయి. ఆయన ప్రతి పాటను రెండు విధాలుగా రాసేవారు, ఆ విషయం అందరూ తెలుసుకోవాలి" అని ఆయన సూచించారు.
భారతీయ సినిమాలో సంగీతానికి ఎంతో ప్రాముఖ్యత ఉంటుందని, ఏ భావన చెప్పాలన్నా సంగీతాన్నే ఆశ్రయిస్తామని త్రివిక్రమ్ పేర్కొన్నారు. సిరివెన్నెల ఎక్కువగా సిగరెట్లు తాగడంపై ఒకసారి వారి శ్రీమతి అడిగిన ప్రశ్నకు, "మనందరి మూర్ఖత్వాన్ని భరించడం కోసమే ఆయన అలా చేస్తున్నారు" అని తాను సమాధానమిచ్చినట్లు చెప్పారు. "సిరివెన్నెల మనకు సంతోషాన్ని అందించడం కోసం ఎంతో కష్టపడ్డారు. సాధారణంగా శిఖరాన్ని దూరం నుంచి చూస్తాం. కానీ, సిరివెన్నెల అనే శిఖరం అందరికీ అందుబాటులో ఉంటూ ఎంతో మందికి మార్గదర్శనం చేసింది. ఆయన ఏ పని చేసినా పరిపూర్ణంగా చేశారు" అంటూ త్రివిక్రమ్ కాస్త భావోద్వేగానికి గురయ్యారు.
తెలుగు సినిమా పాటకు కావ్య గౌరవాన్ని అందించి, సరికొత్త ఒరవడిని సృష్టించిన సిరివెన్నెల సీతారామశాస్త్రి సాహిత్య పరంపరను ముందుకు తీసుకెళ్లే ప్రయత్నంలో భాగంగా 52 ఆదివారాల పాటు సాగిన ‘నా ఉచ్ఛ్వాసం కవనం..!’ కార్యక్రమం ఈ ఎపిసోడ్‌తో ముగిసింది. ఈ కార్యక్రమంలో నాగార్జున, ప్రభాస్, తనికెళ్ల భరణి, మణిరత్నం, రాజమౌళి, కృష్ణవంశీ, క్రిష్ జాగర్లమూడి, రామజోగయ్య శాస్త్రి, చంద్రబోస్, ఆర్పీ పట్నాయక్ వంటి ఎందరో సినీ ప్రముఖులు పాల్గొని సిరివెన్నెలతో తమ అనుభవాలను పంచుకున్నారు. త్వరలోనే మరో సిరీస్‌తో ప్రేక్షకుల ముందుకు రానున్నట్లు కార్యక్రమ వ్యాఖ్యాత పార్థు నేమాని తెలిపారు.
