KTR: నీళ్లు లేని ఫైరింజన్లు, మాస్కులు లేని సిబ్బంది: గుల్జార్‌హౌస్ అగ్ని ప్రమాదంపై కేటీఆర్ వ్యాఖ్యలు
- చార్మినార్ గుల్జార్‌హౌస్ అగ్నిప్రమాద స్థలాన్ని పరిశీలించిన కేటీఆర్
- అందాల పోటీలపై ఉన్న శ్రద్ధ భద్రతపై లేదని విమర్శ
- మృతుల కుటుంబాలకు రూ.25 లక్షల ఎక్స్‌గ్రేషియా ఇవ్వాలని డిమాండ్
- అగ్నిమాపక వ్యవస్థలో లోపాలున్నాయని, సమీక్షించాలని సూచన
- హోంమంత్రి హోదాలో సీఎం రావాలని, బాధితులకు భరోసా ఇవ్వాలన్న కేటీఆర్
గుల్జార్‌ హౌస్ లో అగ్నిప్రమాదం సంభవించిన ప్రదేశానికి ఫైరింజన్లు చేరుకున్నా వాటిలో నీళ్లు లేకపోవడం దారుణమని బీఆర్ఎస్ వర్కింగ్ ప్రెసిడెంట్ కేటీఆర్ విమర్శించారు. రాష్ట్ర ప్రభుత్వం అందాల పోటీలపై చూపిస్తున్న శ్రద్ధను అగ్ని ప్రమాదాల నివారణపై కూడా చూపాలని సూచించారు. ఇలాంటి దుర్ఘటనల్లో ఇంకో ప్రాణం పోకుండా చూడాల్సిన బాధ్యత ప్రభుత్వంపై ఉందని ఆయన అన్నారు. హైదరాబాద్‌లోని చార్మినార్ సమీపంలోని గుల్జార్‌హౌస్ లో జరిగిన ఘోర అగ్నిప్రమాద స్థలాన్ని కేటీఆర్ సందర్శించి, అక్కడి పరిస్థితులను పరిశీలించారు.
ఈ సందర్భంగా మాట్లాడుతూ, "రాజకీయాలు చేయడానికి నేను ఇక్కడికి రాలేదు. ప్రభుత్వాలు ప్రజల ప్రాణాలను కాపాడటంపై ప్రధానంగా దృష్టి సారించాలి" అని స్పష్టం చేశారు. కేవలం ఐదు లక్షల రూపాయల పరిహారం ప్రకటించి చేతులు దులుపుకోవడం సరికాదని, ప్రాణ నష్టం జరగకుండా చూడటమే ముఖ్యమని అభిప్రాయపడ్డారు. అగ్నిప్రమాదంలో మరణించిన వారి కుటుంబాలకు తక్షణమే రూ.25 లక్షల చొప్పున ఎక్స్‌గ్రేషియా అందించాలని ఆయన డిమాండ్ చేశారు.
"ముఖ్యమంత్రే హోం శాఖను కూడా పర్యవేక్షిస్తున్నందున, ఆయన స్వయంగా ఇలాంటి ఘటనా స్థలాలకు వస్తే అధికారులు మరింత బాధ్యతాయుతంగా, చురుగ్గా పనిచేయడానికి ఆస్కారం ఉంటుంది" అని కేటీఆర్ సూచించారు. వేసవి కాలం ప్రారంభం కావడానికి ముందే అగ్నిమాపక శాఖ అధికారులతో ప్రభుత్వం ఉన్నతస్థాయి సమీక్షా సమావేశాలు నిర్వహించి, భద్రతా చర్యలను కట్టుదిట్టం చేయాలని ఆయన కోరారు.
"అగ్నిమాపక యంత్రాలు ఘటనా స్థలానికి చేరుకున్నప్పటికీ, వాటిలో నీళ్లు లేవని తెలిసింది. అలాగే, సిబ్బందికి సరైన రక్షణ మాస్కులు కూడా అందుబాటులో లేకపోవడం విచారకరం. ప్రమాద స్థలానికి వచ్చిన అంబులెన్స్‌లో ఆక్సిజన్ సిలిండర్ కూడా లేకపోవడం అత్యంత దురదృష్టకరం" అంటూ కేటీఆర్ ప్రభుత్వ లోపాలను ప్రస్తావిస్తూ ఆవేదన వ్యక్తం చేశారు.
హైదరాబాద్ నగర చరిత్రలో ఇదే అత్యంత భారీ అగ్ని ప్రమాదమని పేర్కొన్న కేటీఆర్, "నిన్నటి రోజు అత్యంత దుర్భరమైనది. బాధితులు, మృతుల కుటుంబ సభ్యుల ఆవేదన వర్ణించడానికి కూడా మాటలు రావడం లేదు" అని అన్నారు. ప్రభుత్వం తక్షణమే స్పందించి, భవిష్యత్తులో ఇలాంటి ప్రమాదాలు పునరావృతం కాకుండా కఠిన చర్యలు తీసుకోవాలని ఆయన విజ్ఞప్తి చేశారు.
ఈ సందర్భంగా మాట్లాడుతూ, "రాజకీయాలు చేయడానికి నేను ఇక్కడికి రాలేదు. ప్రభుత్వాలు ప్రజల ప్రాణాలను కాపాడటంపై ప్రధానంగా దృష్టి సారించాలి" అని స్పష్టం చేశారు. కేవలం ఐదు లక్షల రూపాయల పరిహారం ప్రకటించి చేతులు దులుపుకోవడం సరికాదని, ప్రాణ నష్టం జరగకుండా చూడటమే ముఖ్యమని అభిప్రాయపడ్డారు. అగ్నిప్రమాదంలో మరణించిన వారి కుటుంబాలకు తక్షణమే రూ.25 లక్షల చొప్పున ఎక్స్‌గ్రేషియా అందించాలని ఆయన డిమాండ్ చేశారు.
"ముఖ్యమంత్రే హోం శాఖను కూడా పర్యవేక్షిస్తున్నందున, ఆయన స్వయంగా ఇలాంటి ఘటనా స్థలాలకు వస్తే అధికారులు మరింత బాధ్యతాయుతంగా, చురుగ్గా పనిచేయడానికి ఆస్కారం ఉంటుంది" అని కేటీఆర్ సూచించారు. వేసవి కాలం ప్రారంభం కావడానికి ముందే అగ్నిమాపక శాఖ అధికారులతో ప్రభుత్వం ఉన్నతస్థాయి సమీక్షా సమావేశాలు నిర్వహించి, భద్రతా చర్యలను కట్టుదిట్టం చేయాలని ఆయన కోరారు.
"అగ్నిమాపక యంత్రాలు ఘటనా స్థలానికి చేరుకున్నప్పటికీ, వాటిలో నీళ్లు లేవని తెలిసింది. అలాగే, సిబ్బందికి సరైన రక్షణ మాస్కులు కూడా అందుబాటులో లేకపోవడం విచారకరం. ప్రమాద స్థలానికి వచ్చిన అంబులెన్స్‌లో ఆక్సిజన్ సిలిండర్ కూడా లేకపోవడం అత్యంత దురదృష్టకరం" అంటూ కేటీఆర్ ప్రభుత్వ లోపాలను ప్రస్తావిస్తూ ఆవేదన వ్యక్తం చేశారు.
హైదరాబాద్ నగర చరిత్రలో ఇదే అత్యంత భారీ అగ్ని ప్రమాదమని పేర్కొన్న కేటీఆర్, "నిన్నటి రోజు అత్యంత దుర్భరమైనది. బాధితులు, మృతుల కుటుంబ సభ్యుల ఆవేదన వర్ణించడానికి కూడా మాటలు రావడం లేదు" అని అన్నారు. ప్రభుత్వం తక్షణమే స్పందించి, భవిష్యత్తులో ఇలాంటి ప్రమాదాలు పునరావృతం కాకుండా కఠిన చర్యలు తీసుకోవాలని ఆయన విజ్ఞప్తి చేశారు.
