Sarfaraz Khan: టెస్టు జట్టులో సర్ఫరాజ్ ఖాన్ కు దక్కని చోటు... గవాస్కర్ స్పందన
- ఇంగ్లండ్ పర్యటనకు భారత టెస్టు జట్టు నుంచి సర్ఫరాజ్ ఖాన్ ఔట్
- సర్ఫరాజ్‌ను తప్పించడంపై మాజీ కెప్టెన్ సునీల్‌ గావస్కర్ అసంతృప్తి
- అవకాశం ఇవ్వకుండానే ఎలా వేటు వేస్తారని గావస్కర్ ప్రశ్న
- సర్ఫరాజ్ ప్రదర్శనపై చీఫ్‌ సెలక్టర్‌ అజిత్‌ అగార్కర్ వివరణ
- రోహిత్, కోహ్లీ రిటైర్మెంట్ తర్వాత శుభ్‌మన్‌ గిల్‌కు టెస్టు పగ్గాలు
భారత టెస్టు క్రికెట్‌లో కొత్త అధ్యాయం మొదలైంది. సీనియర్లు రోహిత్ శర్మ, విరాట్‌ కోహ్లీ సుదీర్ఘ ఫార్మాట్ నుంచి తప్పుకోవడంతో, యువ ఆటగాడు శుభ్‌మన్‌ గిల్‌కు జట్టు పగ్గాలు అప్పగించారు. ఇంగ్లండ్ తో జూన్‌ 20 నుంచి ప్రారంభం కానున్న ఐదు టెస్టుల సిరీస్‌ కోసం భారత జట్టును ప్రకటించగా, ఈ జట్టులో సర్ఫరాజ్ ఖాన్‌కు చోటు దక్కకపోవడం చర్చనీయాంశంగా మారింది. గతంలో బోర్డర్‌-గవాస్కర్ ట్రోఫీకి ఎంపికైనా ఒక్క మ్యాచ్ కూడా ఆడని సర్ఫరాజ్‌ను ఇప్పుడు ఏకంగా జట్టు నుంచే తప్పించడంపై భారత క్రికెట్‌ దిగ్గజం సునీల్‌ గావస్కర్ స్పందించారు.
ఒక్క మ్యాచ్ ఆడించకుండానే ఎలా తీసేస్తారు: గవాస్కర్
కొన్నేళ్ల నిరీక్షణ తర్వాత గత ఏడాది ఫిబ్రవరిలో ఇంగ్లండ్‌తో జరిగిన టెస్టు సిరీస్‌తో సర్ఫరాజ్ ఖాన్ భారత జట్టులోకి అడుగుపెట్టాడు. అయితే, ఆస్ట్రేలియాతో జరిగిన బోర్డర్‌-గవాస్కర్ ట్రోఫీలో మాత్రం అతనికి తుది జట్టులో ఆడే అవకాశం రాలేదు. తాజాగా ఇంగ్లండ్ పర్యటనకు ఎంపిక చేసిన జట్టులో అతని పేరు లేకపోవడంపై సునీల్‌ గవాస్కర్ ఆశ్చర్యం వ్యక్తం చేశారు. "క్రికెట్‌లో అవకాశాలు వచ్చినప్పుడు వాటిని నిలబెట్టుకోవాలి. ఒక సెంచరీ చేసిన తర్వాత, ఆ ప్రదర్శన గురించి ఆలోచించకుండా తర్వాతి మ్యాచ్‌పై దృష్టి పెట్టాలి. అప్పుడే మళ్లీ భారీ పరుగులు చేసే వీలుంటుంది. జట్టు నుంచి మనల్ని పంపే అవకాశం ఎవరికీ ఇవ్వకూడదు" అని సర్ఫరాజ్‌కు సూచించారు.
అంతేకాకుండా, "బోర్డర్‌-గవాస్కర్ ట్రోఫీ తర్వాత రెడ్‌ బాల్‌ క్రికెట్‌ మ్యాచ్‌లు పెద్దగా జరగలేదు. రంజీ మ్యాచ్‌లు జరిగినా, గాయం కారణంగా సర్ఫరాజ్ ఖాన్ ఆడలేకపోయాడు. దీంతో అతను తన ఫామ్‌ను నిరూపించుకోవడానికి సరైన అవకాశం లేకుండా పోయింది. గతంలో కూడా నేను చూశాను, జట్టు ఏదైనా సిరీస్‌ ఓడిపోతే 13, 14, 15 స్థానాల్లో ఉన్న ఆటగాళ్లపై వేటు వేస్తుంటారు" అని గవాస్కర్ తన అభిప్రాయాన్ని వెల్లడించారు. ఆడే అవకాశం ఇవ్వకుండానే సర్ఫరాజ్ ఖాన్‌పై ఎలా వేటు వేస్తారని ఆయన ఆశ్చర్యం వ్యక్తం చేశారు.
అగార్కర్ ఏమన్నాడంటే?
సర్ఫరాజ్ ఖాన్‌ను జట్టు నుంచి తప్పించడంపై శనివారం జరిగిన విలేకరుల సమావేశంలో చీఫ్‌ సెలక్టర్‌ అజిత్‌ అగార్కర్ వివరణ ఇచ్చాడు. "సర్ఫరాజ్ ఖాన్ మొదటి టెస్ట్‌ మ్యాచ్‌లోనే సెంచరీ చేసిన విషయం నాకు తెలుసు. కానీ, ఆ తర్వాత మ్యాచ్‌లలో అతను పెద్దగా పరుగులు చేయలేదు. అందుకే జట్టులోకి తీసుకోలేదు" అని అగార్కర్ తెలిపాడు. "ఇలాంటి నిర్ణయాలు కొందరికి నచ్చొచ్చు, మరికొందరికి నచ్చకపోవచ్చు. మేం ఏ నిర్ణయం తీసుకున్నా అది భారత జట్టు ప్రయోజనాలను దృష్టిలో పెట్టుకునే ఉంటుంది" అని అగార్కర్ స్పష్టం చేశాడు.
ఒక్క మ్యాచ్ ఆడించకుండానే ఎలా తీసేస్తారు: గవాస్కర్
కొన్నేళ్ల నిరీక్షణ తర్వాత గత ఏడాది ఫిబ్రవరిలో ఇంగ్లండ్‌తో జరిగిన టెస్టు సిరీస్‌తో సర్ఫరాజ్ ఖాన్ భారత జట్టులోకి అడుగుపెట్టాడు. అయితే, ఆస్ట్రేలియాతో జరిగిన బోర్డర్‌-గవాస్కర్ ట్రోఫీలో మాత్రం అతనికి తుది జట్టులో ఆడే అవకాశం రాలేదు. తాజాగా ఇంగ్లండ్ పర్యటనకు ఎంపిక చేసిన జట్టులో అతని పేరు లేకపోవడంపై సునీల్‌ గవాస్కర్ ఆశ్చర్యం వ్యక్తం చేశారు. "క్రికెట్‌లో అవకాశాలు వచ్చినప్పుడు వాటిని నిలబెట్టుకోవాలి. ఒక సెంచరీ చేసిన తర్వాత, ఆ ప్రదర్శన గురించి ఆలోచించకుండా తర్వాతి మ్యాచ్‌పై దృష్టి పెట్టాలి. అప్పుడే మళ్లీ భారీ పరుగులు చేసే వీలుంటుంది. జట్టు నుంచి మనల్ని పంపే అవకాశం ఎవరికీ ఇవ్వకూడదు" అని సర్ఫరాజ్‌కు సూచించారు.
అంతేకాకుండా, "బోర్డర్‌-గవాస్కర్ ట్రోఫీ తర్వాత రెడ్‌ బాల్‌ క్రికెట్‌ మ్యాచ్‌లు పెద్దగా జరగలేదు. రంజీ మ్యాచ్‌లు జరిగినా, గాయం కారణంగా సర్ఫరాజ్ ఖాన్ ఆడలేకపోయాడు. దీంతో అతను తన ఫామ్‌ను నిరూపించుకోవడానికి సరైన అవకాశం లేకుండా పోయింది. గతంలో కూడా నేను చూశాను, జట్టు ఏదైనా సిరీస్‌ ఓడిపోతే 13, 14, 15 స్థానాల్లో ఉన్న ఆటగాళ్లపై వేటు వేస్తుంటారు" అని గవాస్కర్ తన అభిప్రాయాన్ని వెల్లడించారు. ఆడే అవకాశం ఇవ్వకుండానే సర్ఫరాజ్ ఖాన్‌పై ఎలా వేటు వేస్తారని ఆయన ఆశ్చర్యం వ్యక్తం చేశారు.
అగార్కర్ ఏమన్నాడంటే?
సర్ఫరాజ్ ఖాన్‌ను జట్టు నుంచి తప్పించడంపై శనివారం జరిగిన విలేకరుల సమావేశంలో చీఫ్‌ సెలక్టర్‌ అజిత్‌ అగార్కర్ వివరణ ఇచ్చాడు. "సర్ఫరాజ్ ఖాన్ మొదటి టెస్ట్‌ మ్యాచ్‌లోనే సెంచరీ చేసిన విషయం నాకు తెలుసు. కానీ, ఆ తర్వాత మ్యాచ్‌లలో అతను పెద్దగా పరుగులు చేయలేదు. అందుకే జట్టులోకి తీసుకోలేదు" అని అగార్కర్ తెలిపాడు. "ఇలాంటి నిర్ణయాలు కొందరికి నచ్చొచ్చు, మరికొందరికి నచ్చకపోవచ్చు. మేం ఏ నిర్ణయం తీసుకున్నా అది భారత జట్టు ప్రయోజనాలను దృష్టిలో పెట్టుకునే ఉంటుంది" అని అగార్కర్ స్పష్టం చేశాడు.
