Narendra Modi: ప్రధాని మోదీపై పూల వర్షం కురిపించిన కల్నల్ సోఫియా ఖురేషీ కుటుంబ సభ్యులు
- ప్రధాని మోదీ రెండు రోజుల గుజరాత్ పర్యటన ప్రారంభం
- వడోదరలో భారీ రోడ్‌షో నిర్వహించిన ప్రధాని
- ‘ఆపరేషన్ సిందూర్’ ఫేమ్ కల్నల్ సోఫియా ఖురేషీ కుటుంబ సభ్యుల ఆత్మీయ పలకరింపు
- మహిళా సాధికారతకు మోదీ ఎంతో చేశారని కల్నల్ కవల సోదరి కితాబు
ప్రధానమంత్రి నరేంద్ర మోదీ సోమవారం తన రెండు రోజుల గుజరాత్ పర్యటనను వడోదరలో భారీ రోడ్‌షోతో ప్రారంభించారు. రోడ్డుకు ఇరువైపులా పెద్ద సంఖ్యలో ప్రజలు గుమిగూడి ఆయనకు అపూర్వ స్వాగతం పలికారు. ఈ జనసందోహంలో, ‘ఆపరేషన్ సిందూర్’ సమయంలో దేశానికి కీలక సమాచారం అందించి గుర్తింపు పొందిన వడోదరకు చెందిన ఆర్మీ అధికారిణి కల్నల్ సోఫియా ఖురేషీ కుటుంబ సభ్యులు కూడా ఉన్నారు. వారు ప్రధాని మోదీపై పూల రేకులు చల్లుతూ తమ అభిమానాన్ని చాటుకున్నారు. గుజరాత్ మాజీ ముఖ్యమంత్రి కూడా అయిన మోదీ, ఈ ఆత్మీయ స్వాగతానికి ప్రతిస్పందించారు.
ఈ సందర్భంగా కల్నల్ సోఫియా ఖురేషీ సోదరి షయ్నా సున్సారా మాట్లాడుతూ, "ప్రధాని మోదీని కలవడం మాకు చాలా సంతోషాన్నిచ్చింది. ఆయన మహిళా సాధికారత కోసం ఎంతో కృషి చేశారు. సోఫియా నా కవల సోదరి. నా సోదరి దేశం కోసం ఏదైనా చేస్తే, అది నాకు మాత్రమే కాకుండా ఇతరులకు కూడా స్ఫూర్తినిస్తుంది. ఆమె ఇప్పుడు కేవలం నా సోదరి మాత్రమే కాదు, దేశం మొత్తానికి సోదరిగా మారింది" అని చెప్పారు.
భారతదేశం చేపట్టిన 'ఆపరేషన్ సిందూర్' సమయంలో విదేశాంగ కార్యదర్శి విక్రమ్ మిస్రీ, ఎయిర్ ఫోర్స్ వింగ్ కమాండర్ వ్యోమికా సింగ్‌లతో పాటు కల్నల్ ఖురేషీ కూడా ప్రభుత్వ రోజువారీ బ్రీఫింగ్‌లలో పాల్గొన్నారు. జమ్మూ కాశ్మీర్‌లోని పహల్గామ్‌లో ఏప్రిల్ 22న జరిగిన ఉగ్రదాడికి ప్రతీకారంగా, మే 7న భారత సాయుధ దళాలు 'ఆపరేషన్ సిందూర్' నిర్వహించి, పాకిస్థాన్ మరియు పాక్ ఆక్రమిత కాశ్మీర్‌లోని తొమ్మిది ఉగ్రవాద శిబిరాలను లక్ష్యంగా చేసుకున్న విషయం తెలిసిందే. ఇది పాకిస్థాన్‌తో సైనిక ఘర్షణకు దారితీసింది. ఆ తర్వాత, భారత వైమానిక దళం పొరుగు దేశానికి చెందిన 12 వైమానిక స్థావరాలలో 11 ధ్వంసం చేయడంతో, మే 10న ఇస్లామాబాద్ చేసిన కాల్పుల విరమణ అభ్యర్థనను న్యూఢిల్లీ అంగీకరించింది.
'ఆపరేషన్ సిందూర్' అనంతరం ప్రధాని మోదీ తన సొంత రాష్ట్రమైన గుజరాత్‌కు రావడం ఇదే తొలిసారి. పర్యటనలో భాగంగా తొలిరోజు దాహోద్, భుజ్‌లలో పలు అభివృద్ధి ప్రాజెక్టులను ఆయన ప్రారంభించనున్నారు. మంగళవారం రాష్ట్ర రాజధాని గాంధీనగర్‌లో జరిగే కార్యక్రమాల్లో పాల్గొంటారు.
ఈ సందర్భంగా కల్నల్ సోఫియా ఖురేషీ సోదరి షయ్నా సున్సారా మాట్లాడుతూ, "ప్రధాని మోదీని కలవడం మాకు చాలా సంతోషాన్నిచ్చింది. ఆయన మహిళా సాధికారత కోసం ఎంతో కృషి చేశారు. సోఫియా నా కవల సోదరి. నా సోదరి దేశం కోసం ఏదైనా చేస్తే, అది నాకు మాత్రమే కాకుండా ఇతరులకు కూడా స్ఫూర్తినిస్తుంది. ఆమె ఇప్పుడు కేవలం నా సోదరి మాత్రమే కాదు, దేశం మొత్తానికి సోదరిగా మారింది" అని చెప్పారు.
భారతదేశం చేపట్టిన 'ఆపరేషన్ సిందూర్' సమయంలో విదేశాంగ కార్యదర్శి విక్రమ్ మిస్రీ, ఎయిర్ ఫోర్స్ వింగ్ కమాండర్ వ్యోమికా సింగ్‌లతో పాటు కల్నల్ ఖురేషీ కూడా ప్రభుత్వ రోజువారీ బ్రీఫింగ్‌లలో పాల్గొన్నారు. జమ్మూ కాశ్మీర్‌లోని పహల్గామ్‌లో ఏప్రిల్ 22న జరిగిన ఉగ్రదాడికి ప్రతీకారంగా, మే 7న భారత సాయుధ దళాలు 'ఆపరేషన్ సిందూర్' నిర్వహించి, పాకిస్థాన్ మరియు పాక్ ఆక్రమిత కాశ్మీర్‌లోని తొమ్మిది ఉగ్రవాద శిబిరాలను లక్ష్యంగా చేసుకున్న విషయం తెలిసిందే. ఇది పాకిస్థాన్‌తో సైనిక ఘర్షణకు దారితీసింది. ఆ తర్వాత, భారత వైమానిక దళం పొరుగు దేశానికి చెందిన 12 వైమానిక స్థావరాలలో 11 ధ్వంసం చేయడంతో, మే 10న ఇస్లామాబాద్ చేసిన కాల్పుల విరమణ అభ్యర్థనను న్యూఢిల్లీ అంగీకరించింది.
'ఆపరేషన్ సిందూర్' అనంతరం ప్రధాని మోదీ తన సొంత రాష్ట్రమైన గుజరాత్‌కు రావడం ఇదే తొలిసారి. పర్యటనలో భాగంగా తొలిరోజు దాహోద్, భుజ్‌లలో పలు అభివృద్ధి ప్రాజెక్టులను ఆయన ప్రారంభించనున్నారు. మంగళవారం రాష్ట్ర రాజధాని గాంధీనగర్‌లో జరిగే కార్యక్రమాల్లో పాల్గొంటారు.
