Rajanna Siricilla Murder: ఒకామెను చంపేశాను... అంటూ పోలీస్ స్టేషన్ కు వచ్చి లొంగిపోయిన యువకుడు!
- రాజన్న సిరిసిల్ల జిల్లా చందుర్తిలో మహిళ దారుణ హత్య
- పొలం నుంచి ఇంటికి వెళ్తుండగా కత్తితో దాడి
- నడిరోడ్డుపైనే మహిళను నరికి చంపిన దుండగుడు
- తానే హత్య చేశానంటూ పోలీస్ స్టేషన్‌లో లొంగిపోయిన నిందితుడు
- గతంలోనూ వినాయక చవితి రోజు మరో హత్య చేసినట్లు ఆరోపణ
రాజన్న సిరిసిల్ల జిల్లాలో ఓ హత్య ఘటన తీవ్ర కలకలం రేపింది. చందుర్తి మండల కేంద్రంలో ఓ మహిళ దారుణ హత్యకు గురైంది. పొలం పనులను ముగించుకుని నడుచుకుంటూ ఇంటికి తిరిగి వస్తున్న సమయంలో, నడిరోడ్డుపైనే ఓ యువకుడు ఆమెపై కత్తితో దాడి చేసి అత్యంత కిరాతకంగా నరికి చంపాడు. ఈ దారుణ ఘటన స్థానికంగా భయాందోళనలు సృష్టించింది.
చందుర్తి మండల కేంద్రానికి చెందిన మహిళ రోజూలాగే పొలం పనులకు వెళ్లింది. సాయంత్రం పనులు ముగించుకుని ఇంటికి బయలుదేరింది. మార్గమధ్యలో, నడిరోడ్డుపైకి వచ్చిన ఓ వ్యక్తి అకస్మాత్తుగా ఆమెపై కత్తితో దాడికి పాల్పడ్డాడు. తీవ్రగాయాలపాలైన మహిళ అక్కడికక్కడే కుప్పకూలి మృతి చెందింది. ఈ ఘటనతో ఆ ప్రాంతమంతా ఉలిక్కిపడింది.
అయితే, ఈ దారుణానికి ఒడిగట్టిన నిందితుడు నేరుగా పోలీస్ స్టేషన్‌కు వెళ్లి లొంగిపోవడం గమనార్హం. "ఆమెను నేనే చంపాను" అంటూ కత్తి కిందపడేసి పోలీసుల ఎదుట నేరాన్ని అంగీకరించాడు. దీంతో పోలీసులు నిందితుడిని అదుపులోకి తీసుకుని విచారణ చేపట్టారు.
గతంలోనూ ఓ హత్య!
పోలీసుల ప్రాథమిక విచారణలో నిందితుడికి నేర చరిత్ర ఉన్నట్లు తేలింది. గతంలో వినాయక చవితి పర్వదినం రోజున కూడా ఇదే నిందితుడు మరో వ్యక్తిని హత్య చేసినట్లు తెలిసింది. ప్రస్తుతం మహిళ హత్యకు గల కారణాలపై పోలీసులు ఆరా తీస్తున్నారు. పాత కక్షలా? లేక మరేదైనా కారణమా? అనే కోణంలో దర్యాప్తు కొనసాగిస్తున్నారు. మృతురాలి కుటుంబ సభ్యుల ఫిర్యాదు మేరకు కేసు నమోదు చేసుకున్న పోలీసులు, పూర్తి వివరాలు సేకరిస్తున్నారు. ఈ ఘటనతో చందుర్తి మండలంలో విషాద ఛాయలు అలుముకున్నాయి.
చందుర్తి మండల కేంద్రానికి చెందిన మహిళ రోజూలాగే పొలం పనులకు వెళ్లింది. సాయంత్రం పనులు ముగించుకుని ఇంటికి బయలుదేరింది. మార్గమధ్యలో, నడిరోడ్డుపైకి వచ్చిన ఓ వ్యక్తి అకస్మాత్తుగా ఆమెపై కత్తితో దాడికి పాల్పడ్డాడు. తీవ్రగాయాలపాలైన మహిళ అక్కడికక్కడే కుప్పకూలి మృతి చెందింది. ఈ ఘటనతో ఆ ప్రాంతమంతా ఉలిక్కిపడింది.
అయితే, ఈ దారుణానికి ఒడిగట్టిన నిందితుడు నేరుగా పోలీస్ స్టేషన్‌కు వెళ్లి లొంగిపోవడం గమనార్హం. "ఆమెను నేనే చంపాను" అంటూ కత్తి కిందపడేసి పోలీసుల ఎదుట నేరాన్ని అంగీకరించాడు. దీంతో పోలీసులు నిందితుడిని అదుపులోకి తీసుకుని విచారణ చేపట్టారు.
గతంలోనూ ఓ హత్య!
పోలీసుల ప్రాథమిక విచారణలో నిందితుడికి నేర చరిత్ర ఉన్నట్లు తేలింది. గతంలో వినాయక చవితి పర్వదినం రోజున కూడా ఇదే నిందితుడు మరో వ్యక్తిని హత్య చేసినట్లు తెలిసింది. ప్రస్తుతం మహిళ హత్యకు గల కారణాలపై పోలీసులు ఆరా తీస్తున్నారు. పాత కక్షలా? లేక మరేదైనా కారణమా? అనే కోణంలో దర్యాప్తు కొనసాగిస్తున్నారు. మృతురాలి కుటుంబ సభ్యుల ఫిర్యాదు మేరకు కేసు నమోదు చేసుకున్న పోలీసులు, పూర్తి వివరాలు సేకరిస్తున్నారు. ఈ ఘటనతో చందుర్తి మండలంలో విషాద ఛాయలు అలుముకున్నాయి.
